Religion, kultur og samfunn

Emnet har som mål å gi ei innføring i korleis religion fungerer i kultur og samfunn før og nå. Det blir òg gitt ei innføring i relevante religionsvitskaplege problemstillingar.

Studiet legg vekt på religion utanfor tradisjonelle religiøse institusjonar og samspel mellom tradisjonelle religiøse førestillingar og til dømes politikk, kunst, populærkultur, utdanning, jus, økonomi, kjønn, sex og andre sosiale strukturar.

Studenten skal ved avslutta emne ha følgjande læringsutbyte definert i kunnskap, ferdigheiter og generell kompetanse:

Kunnskapar:

Studenten

• har gode kunnskapar om korleis religion fungerer i dagens samfunn utanfor tradisjonelle religiøse institusjonar.
• har kjennskap til noen religionsvitskapelege problemstillingar knytt til mellom anna populærkultur, politikk, utdanning, kjønn og seksualitet.

Ferdigheiter:

Studenten

• har evne til å analysere fagstoff og trekke eigne slutningar.
• har evne til å setje seg inn i vitskaplege tekster på både norsk og engelsk.
• har evne til å utføre analyser av religionens plass i samfunnet i dag.

Generell kompetanse:

Studenten

• har generell innsikt i kva slags rolle religion speler i samfunnet i dag.
• har erfaring med å planleggje og gjennomføre eit skriftleg arbeid av eit bestemt omfang.