Saman med familien - tverrfagleg samarbeid i praksis

Mål:

Emnet er et vidareutdanningstilbod for deg som arbeider med barn, unge og foreldre i utsette livssituasjonar. Målet er å tilby praksisrelevant kunnskap om korleis tverrfagleg samarbeid kan styrkes både på individ- og systemnivå. Vi tar utgangspunkt i problemstillingar du sjølv har møtt i arbeidskvardagen eller på andre arena. Gjennom refleksjon rundt eigne og andre sine eksemplar og praktiske øvingar i kommunikasjon byggast kompetanse og ferdigheitar. Emnet er eit nytt tilbod og innhaldet vil bli utvikla vidare i samråd med deltakarar.

Emnet passar blant anna for personar tilsette i barnevern, helsetenester, sosiale tenester, kriminalomsorga, politi, kriseteam, skuleverket, barnehagar, PPT, tilsette i frivillige organisasjonar, kyrkjer/livssynsorganisasjonar og fosterforeldre. Og for personar med ansvar for koordinerande tenester som til dømes barnekoordinatorar og folkehelsekoordinator.

Studenten skal ved avslutta emne ha følgjande læringsutbytte:

Kunnskap

Studenten har

• kunnskap om korleis tverrfagleg og tverrsektorielt samarbeid kan bidra til god hjelp for barn og familiar i utsette livssituasjonar
• kunnskap om teoretiske, juridiske og etiske sider ved tverrfagleg samarbeid, og kan anvende dette i eigen arbeidshverdag

Ferdigheiter

Studenten kan

• identifisere og analysere behov for tverrfagleg samarbeid for utsette barn og deira familiar
• reflektere over eiga rolle i tverrfagleg samarbeid
• planleggje, gjennomføre og evaluere tverrfaglege møter i samarbeid med brukarar og samarbeidspartnarar
• evaluere og reflektere over eigen læringsprosess saman med andre

Generell kompetanse

Studenten kan

• kritisk reflektere over eiga kompetanse i tverrfagleg samarbeid som grunnlag for vidare læring