Innføring i spesialpedagogikk

Målsetjinga for emnet er å gje ei brei innføring i det spesialpedagogiske fagområdet og gje studentane kunnskap om og forståing for spesialpedagogikken sitt virkeområde i fortid og notid.

Emnet har som mål å gje studentane innsikt i spesialpedagogikken si forankring i samfunnet og korleis denne har endra seg i eit historisk perspektiv. Emnet skal gje studentane kunnskap om korleis synet på barnet har endra seg gjennom historia og korleis institusjonar har møtt born med funksjonshindringar i eit mangfoldig samfunn. Med utgangspunkt i forskingslitteratur knytt til spesialpedagogikk, barnehagen og grunnopplæringa vil emnet gje studentane innsikt i sentrale omgrep og etiske fordringar. Studentane vil få innsikt i lovverk og sentrale styringsdokument med relevans for det spesialpedagogiske fagfeltet.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten..

• har kunnskap om korleis samfunnet historisk sett har tilnærma seg barn og unge med funksjonshindringar i eit mangfoldig samfunn
• har kjennskap til relevante konvensjonar, lovverk og styringsdokument knytt til arbeid med barn og unge med særskilde behov
• har kunnskap om grunnleggande omgrep og etiske fordringar knytt til spesialpedagogikk

Ferdigheiter

Studenten ..

• Kan identifisere fagområdet si historiske utvikling og eigenart
• kan drøfte etiske problemstillingar knytt til barn og unge med funksjonshindringar i eit mangfoldig samfunn
• kan gjennomføre litteratursøk og sette seg inn i faglitteratur med relevans for det spesialpedagogiske fagfeltet
• kan gjere greie for sentrale omgrep knytt til spesialpedagogikk i fortid og notid

Generell kompetanse

Studenten ..

• kan kritisk reflektere over faglege, danningsteoretiske og utdanningspolitiske spørsmål med relevans for det spesialpedagogiske fagfeltet.
• kan formidle og kommunisere spesialpedagogiske problemstillingar på ein fagleg måte.

Fulltid