Systemarbeid og kartlegging

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten..

• har kunnskap om og kan reflektere over sentrale systemteoretiske perspektiv med relevans for spesialpedagogisk arbeid og organisasjonsutvikling i skule og opplæring
• har kunnskap om ulike hjelpe- og støttetenester (PPT, BUP, etc.) som skulane samarbeider med, og korleis desse aktørane bidrar inn i sakkyndigheitsarbeid og kompetanse- og organisasjonsutvikling i skule og opplæring
• har kunnskap om og kan reflektere over korleis system og individ påverkar kvarandre
• har kunnskap om korleis førebygge på individ-, gruppe-, organisasjons- og samfunnsnivå
• har kunnskap om det teoretiske og metodologiske grunnlaget for ulike kartleggingstilnærmingar og kan kritisk vurdere relevansen av dette i møte med barn og unge med ulike føresetnader for læring
• har kunnskap om kva som kjenneteiknar barn og unge med språkvanskar, lese- og skrivevanskar, og utfordringar relatert til fleirspråklegheit
• har kunnskap om korleis vurdere og implementere ulike tiltak basert på ei tilnærming som tek vare på individet i eit fellesskap

Ferdigheiter

Studenten..

• Kan analysere og kritisk vurdere korleis skular kan utvikle gode system i møte med ei mangfaldig elevgruppe innanfor rammene av profesjonelle lærande fellesskap
• kan analysere og kritisk vurdere korleis ulike systemteoretiske perspektiv kan være eigna for å ivareta individet i fellesskapet
• kan analysere og kritisk vurdere ulike førebyggingsstrategiar på individ-, gruppe-, organisasjons- og samfunnsnivå
• kan analysere og kritisk vurdere ulike kartleggingstilnærmingar og kartleggingsmateriell
• kan gjennom arbeid med case analysere og kritisk vurdere resultat frå kartlegging, samt foreslå, utarbeide og reflektere over tiltak som tek vare på individet i fellesskapet

Generell kompetanse

Studenten..

• kan løfte frem, analysere og diskutere sentrale spørsmål og dilemma med relevans for det spesialpedagogiske fagfeltet
• kan kritisk vurdere fordeler og ulemper ved kartlegging som fenomen og metode