Metode og etikk i gravejournalistikk

Emnet skal gi studentane kunnskap om undersøkjande journalistikk, knytt til tema som kjeldekritikk, metodikk og etikk. Emnet består av tre digitale modular der studentane skal tileigne seg ny kunnskap og ferdigheiter gjennom å høyre podkast, lese tilrådd litteratur og skrive tre korte refleksjonsoppgåver.  Første modul handlar om kjeldekritikk og sanningssøking i undersøkande journalistikk, andre modul handlar om systematikk og metodikk. Tredje modul går inn i det som kjenneteiknar etikk i undersøkande journalistikk. 

Emnet er spesielt relevant for journalistar i arbeid, men ope for alle som ønskjer å styrkje kompetansen sin innan undersøkjande journalistikk.

Kunnskapar

Studenten

• har inngåande kunnskap om skilnaden mellom undersøkjande journalistikk og andre former for journalistikk.
• har kjennskap til systematikk og metodikk i undersøkjande journalistikk.
• har kjennskap til presseetiske omsyn og problemstillingar som førekjem i undersøkjande journalistikk.

Ferdigheiter

Studenten

• kan planleggje og gjennomføre journalistiske undersøkingar.
• kan identifisere og vurdere pålitelegheita til ulike typar kjelder, samt kjenne igjen og handtere typiske kilder til feilinformasjon.
• kan identifisere og bidra til å handtere etiske problem og dilemma som oppstår i spenninga mellom samfunnets informasjonsbehov og omsynet til enkeltmenneske

Generell kompetanse:

Studenten

• har evna til å nytte kunnskapar og ulike verktøy for å gjennomføre samfunnsrelevante journalistiske undersøkingar.