Energi- og prosessteknologi (master)
Prosessindustrien er ein viktig del av det grøne skiftet, og står ovanfor mange spannande utfordringar fram mot 2050. Med ein grad i energi- og prosessteknologi i lomma, blir du rusta til å løyse framtidas problemstillingar.
- Varigheit
- 2 år
- Studieplassar
- 15
- Studiepoeng
- 120
- Studiestart
- Haust
- Undervisningsspråk
- Norsk og engelsk
Kva lærer du?
Med ein mastergrad i energi- og prosessteknologi får du ulik kompetanse avhengig av spesialisering:
- inngåande kunnskap i forskjellige fag innan energi- og prosessteknologi
- kunnskap om grunnleggande fysikk, fluiddynamikk, termodynamikk og matematikk
- kunnskap om ulike einingsoperasjonar med omsyn til energi- og straumdragsforhold
- kunnskap om modellering og datasimulering av prosessar som skjer i apparatur og naturenv
Gjennom studiet opparbeider du deg kunnskap innanfor naturvitskaplege- og teknologiske fag. Avhengig av bakgrunn og tema for hovudoppgåva er det relevant å fordjupa seg i fagområde som fluiddynamikk, flerfasesystemer, termodynamiske separasjonsteknikker, numeriske metodar, forbrenningsfysikk, prosessikkerhet og risikoanalyse. Undervisninga er forskingsbasert, og studiet gir ein brei fagleg bakgrunn som gjer deg godt rusta til å løysa tverrfaglege problemstillingar i industrien.
Studiekvardag
Institutt for fysikk og teknologi har eit hyggeleg, internasjonalt miljø. Arbeidsmiljøet er uformelt, og mange forskjellige nasjonalitetar arbeider saman.
Undervisingformene er ei blanding av førelesingar, seminargrupper og laboratorieøvingar. I nokre fag, også ekskursjonar. Du kan også søke om å få plass ved ein lesesal på instituttet.
Som student blir du ein naturleg del av forskingsgruppa ved instituttet. Du samarbeider tett med ein fagleg rettleiar som har kompetanse på temaet du vel til masteroppgåva di. I samråd med rettleiaren set du opp ein framdriftsplan som inneheld viktige milepålar i prosjektet ditt.
Kva kan du jobbe som?
Det er tradisjonelt svært gode jobbmoglegheiter for kandidatar med kompetanse innan prosessteknologi. Tidlegare studentar arbeider i dag i energiselskap (inkludert olje og gass), konsulentselskap og ulike greiner av prosessindustrien. Arbeidsoppgåvene kan variera frå utvikling av avanserte produkt og materiale til konsulenttenester og leiing/drift av industrianlegg. Fleire arbeider òg med forsking og undervisning.
Dei tidlegare studentane våre jobbar blant annet som
- Prosessingeniør
- Prosjektleiere
- Sikkerhetsingeniør
- Inspeksjonsingeniør
Opptakskrav og søknadsfrist
Dei fleste studentar frå land utanfor EU/EEA/Sveits må betale studieavgift, men det finns unntak.
Mastergradsstudiet i Energi- og prosessteknologi byggjer på ein relevant bachelorgrad i naturvitskap/realfag/ingeniørfag eller tilsvarande (for eksempel petroleumsteknologi, fysikk, matematikk, kjemi, prosess, maskin, energi, statistikk osv). For tidligare studentar med ein bachelor i petroleum- og prosessteknologi frå UiB og studentar som har ekstern bachelorgrad, blir 80 studiepoeng frå relevante emner brukt til beregning av karaktersnitt.
Meir informasjon om generelle opptakskrav og søknadsprosedyrar finn du i følgande lenker:
Vi kan ikkje ta imot søknader frå statsborgarar utanfrå EU/EØS/EFTA akkurat no.
Statsborgarar innanfrå EU/EØS/EFTA (søknadsfrist 1. mars)
Nordiske statsborgarar og søkjarar som bur i Noreg (søknadsfrist 15. april)
Programmet har hovudopptak på hausten og suppleringsopptak på våren (søknadsfrist 1. november), dersom ikkje alle plassar blir fylte på hausten.
Undervisningsspråk
Undervisningsspråk: Norsk og engelsk
Studiets oppbygging
Programmet omfattar to studieår (fire semester) og startar vår og haust. Du kan velje å spesialisera deg innanfor separasjon, sikkerheitsteknologi og fleirfase. Du følger kurs på 60 studiepoeng, nokre obligatoriske og nokre som du vel sjølv. Emne, timeplanar og studieplanar kjem an på kva spesialisering du vel. Du vel emne i samarbeid med rettleiaren din. Du skriv masteroppgåva i prosessteknologi (PRO399), som utgjer 60 studiepoeng. Med utgangspunkt i interesseområda dine finn du og fagleg rettleiar eit passande team for masteroppgåva.
Anbefalt for studieplan for spesialisering prosessikkerheit
Prosessindustrien spelar ei avgjerande rolle for det grøne skiftet og økonomien i Noreg. Samstundes utgjer utslepp av farlege stoff, brannar, og eksplosjonar ein fare i mange industrielle system. Forskingsaktivitetane relatert til prosesstryggleik ved forskargruppe Energi- og prosessteknologi (EPT) ved UiB fokuserer på gass- og støveksplosjonar, og forskinga skjer ofte i samarbeid med eksterne partnarar frå industri eller konsulentselskap.
semester: ENERGI352 - Forbrenningsfysikk - PTEK350 - Ekslosjonsfarar i prosessindustrien - valfritt emne
semester: valfritt emne - valfritt emne - valfritt emne
semester: PRO399 - Masteroppgåve i prosessteknologi
semester: PRO399 - Masteroppgåve i prosessteknologi
Tilrådde valemne:
PTEK354 - Støvekspolosjonar i prosessindustrien,
ENERGI255 - Numeriske metodar for prosessteknologi
KJEM210 - Kjemisk termodynamikk
ENERGI353 - Introduksjon til fleirfasesystem
MAT160 - Innføring i numeriske metoder
ENERGI351 - Vitskapleg skriving og formidling
ENERGI360 - Energifysikk og -teknologi
Anbefalt for studieplan for spesialisering fleirfasesystemer
Flerfasesystem representerer ein vesentleg del av fluidmekanikk og omfattar den samtidige rørsle av fleire faser - som gass, væske og fast stoff - innanfor eit system eller ei kanal. Studiet av flerfasesystem utforskar korleis desse fasene samhandlar, blir distribuerte og oppfører seg under ulike tilhøve, inkludert variablar som trykk, fart og temperatur. Forståinga av flerfasesystem spelar ein avgjerande rolle i bransjar som energiteknologi, kjemisk prosessering og miljøteknikk, der transport av fleire faser er ein vanleg førekomst.
semester: ENERGI257 - Fluidmekanikk og varmeoverføring - valfritt emne - valfritt emne
semester: ENERGI353 - Introduksjon til fleirfasesystem - valfritt emne - valfritt emne
semester: PRO399 - Masteroppgåve i prosessteknologi
semester: PRO399 - Masteroppgåve i prosessteknologi
Tilrådde valemne:
KJEM214 - Overflate- og kolloidkjemi
ENERGI255 - Numeriske metodar for prosessteknologi
KJEM220 - Molekylmodellering
ENERGI352 - Forbrenningsfysikk
PTEK350 - Ekslosjonsfarar i prosessindustrien,
ENERGI351 - Vitskapleg skriving og formidling
ENERGI360 - Energifysikk og -teknologi
Anbefalt for studieplan for spesialisering avansert termodynamikk for industrielle separasjonsprosessar
Avansert termodynamikk for industrielle separeringsprosessar fokuserer på termodynamisk stabilitet og fleirfaselikvekter i multikomponente blandingar. Dette legg grunnlaget for effektive separasjonsløysingar i mange industrielle område, mellom anna naturgassprosessering og transport. Fagområdet er viktig for å utvikle berekraftige prosessar som optimaliserer energiforbruk, reduserer avfall og betrar produktkvalitet.
semester: ENERGI356 - Termodynamiske metodar for separasjonsteknologi - valfritt emne - valfritt emne
semester: ENERGI255 - Numeriske metodar for prosessteknologi - valfritt emne - valfritt emne
semester: PRO399 - Masteroppgåve i prosessteknologi
semester: PRO399 - Masteroppgåve i prosessteknologi
Tilrådde valemne:
KJEM214 - Overflate- og kolloidkjemi
KJEM220 - Molekylmodellering
ENERGI366 - Naturgasshydrat: Fundamentale aspekter og praktiske implikasjoner
ENERGI300 - Energiressursar og -forbruk
ENERGI364 - Eksperimentelle metodar i reservoarfysikk
ENERGI351 - Vitskapleg skriving og formidling
ENERGI360 - Energifysikk og -teknologi
Studieretningar
Spesialiseringar i denne graden.
Utveksling
Du kan bruke eit semester som utvekslingsstudent ved eit av partneruniversiteta våre i utlandet, avhengig av studieretning. I sikkerheitsteknologi kan ein reise på utveksling i 2. semester for å ta emner eller i 3. semester som ein del av masteroppgåva.
Vidare studiemoglegheiter
Dersom du er interessert i ein karriere innan forsking, kan du søka om opptak i doktorgradsprogrammet.
Spørsmål om studiet?
Studieplan
Ein studieplan er eit formelt dokument mellom deg som student og Universitetet i Bergen. Studieplanen skal gi tydelege rammer for studiet, beskrive læringsmåla du skal oppnå og korleis studiet er bygd opp.
