Prosjektarbeid 1
Lågaregradsemne
- Studiepoeng
- 10
- Undervisningssemester
- Haust, Vår
- Emnekode
- MUV251
- Talet på semester
- 1
- Undervisningsspråk
- Norsk
- Ressursar
- Timeplan
Emnebeskrivelse
Mål og innhald
Emnet har som mål å støtte opp om det utøvande/skapande arbeidet gjennom å arbeide sjølvstendig med eit sjølvvald prosjekt. Emnet skal bidra til å auke medvitet om og kunne utforske og reflektere over problemstillingar og spørsmål knytt til eige virke som utøvar/komponist.
Innhald:
Emnet vil gje studenten ei innføring i val av tematikk, metodisk tilnærming, kjeldebruk og dokumentasjon.
Avhengig av studentens interesse, vil emnet kunne ta opp spørsmål innan felt som til dømes utøvande/skapande prosessar, interpretasjon, samspel, oppføringspraksisar, musikkhistorisk fordjuping, stilforståing, verkforståing/analyse, improvisasjonsmetodar, estetikk, instrumentalteknikk, fysiske/mentale strategiar for musikarar, samarbeid komponist/utøvar, studie av tradisjonar og historiske opptak, eksperimentell utforsking, "cross-over"-prosjekt (samarbeid med kunst/design/dans, etc.), entreprenørskap (eventuelt samarbeid med andre institusjonar/organisasjonar) og psykologiske eller samfunns-relaterte spørsmål knytt til virke som utøvar eller komponist.
Studenten skal presentere ein prosjektidé/skisse ved oppstart av studiet og ha gjort førebuingar og inngått eventuelle avtaler med samarbeidspartnarar (personar/institusjonar) slik at prosjektet kan realistisk gjennomførast. Prosjektidéen må fagleg og praktisk verte godkjend av emne-ansvarleg/rettleiar ved oppstart av studiet. Dersom prosjekt-idéen ikkje blir godkjend, må den reviderast eller endrast i samråd med rettleiar/emneansvarleg før endeleg godkjenning.
Emnet kan knytast til fagleg/tematisk innhald i utøvande/skapande emner på 3. og 4. år bachelor (hovuddisiplin, kammermusikk, akkompagnement, musikkdramatikk, musikkformidling etc.) Det vil bli lagt vekt på å kunne øve opp ferdigheit i å kunne reflektere over eige prosjektarbeid, og i å uttrykke seg skriftleg/eller munnleg om relevante spørsmål knytt til prosjektet.
Læringsutbyte
Studenten skal ved avslutta emne ha følgjande læringsutbyte definert i kunnskapar, fedigheiter og generell kompetanse:
Kunnskap
Studenten...
- skal få kunnskap om å initiere, drive og praktisk gjennomføre eige prosjektarbeid
Ferdigheiter
Studenten..
- skal kunne organisere og reflektere over eige prosjektarbeid
Generell kompetanse
Studenten..
- har medvit om og kan drøfte eigne prosjektrelaterte val
- kan uttrykkje og formidle relevante spørsmål knytt til prosjektarbeidet
Studiepoeng, omfang
Studienivå (studiesyklus)
Undervisningssemester
Undervisningsstad
Krav til forkunnskapar
Tilrådde forkunnskapar
Krav til studierett
Arbeids- og undervisningsformer
Undervisninga vert gjeven i form av felles samlingar og individuell rettleiing gjennom heile semesteret. Samlingane vil kunne vere i form av førelesingar, diskusjonsfora, forberedte studentpresentasjonar.
Samlingane vil kunne føregå på norsk eller engelsk.
Obligatorisk undervisningsaktivitet
-All undervisning er obligatorisk. Fråvær på meir enn 20% fører normalt til tap av eksamensrett.
-Godkjenning av tema for prosjektarbeid
-Rettleiing på prosjektarbeidet.
-Deltaking på introduksjonsseminar ved oppstart av emnet.
Vurderingsformer
Anten:
Føredrag der ein kan bruke lydopptak, video eller eiga framføring som demonstrasjon eller dokumentasjon saman med skriftleg eller munnleg framlegging. Omfangsmål for arbeidet er om lag 20-30 minutt presentasjon.
Eller:
Digitalt presentert semesteroppgåve der ein kan bruke lydopptak, video eller eiga framføring som demonstrasjon eller dokumentasjon som med skriftleg og/eller munnleg framlegging. Omfangsmål for arbeidet er på om lag 20-30 minutt presentasjon.
Tema for Prosjektarbeid 1, 2 eller 3 kan vidareførast og vere eit innleiande forprosjekt til Prosjektarbeid 2, 3 eller 4.
Tema og presentasjonsform må godkjennast på førehand av rettleiar.
Intern sensur med minst to interne sensorar, der den eine normalt er studenten sin rettleiar.