Praksisstudie i den offentlege tannhelsetenesta

Mål:

Praksisstudiet skal førebu kandidaten på yrkeslivet og lette omstillinga frå å vere student til å praktisere som tannlege.

Innhald:

Gjennom undervisning i kliniske fag og samfunnsodontologi, samt gjennom erfaringar, observasjonar, refleksjonar og samtalar under Praksisstudiet, skal studentane få auka forståing for:

• korleis tannhelsetenesta (offentleg og privat) er organisert og fungerer i praksis.
• dei problemstillingane som pasientar og ulike typar tannhelsepersonell, møter.

Etter gjennomført Praksisstudium har studenten følgjande læringsutbytte:

Kunnskap:

Studenten:

• har ein viss kjennskap til dei fleste typar tannhelsetenester (offentleg og privat).
• har innblikk i organisasjonen, administrasjonen, finansieringa og drifta av tannhelsetenesta (offentleg og privat).

Ferdigheter:

Studenten:

• beskriv og forstår dei problema som møte både pasientar og tannhelsepersonell.
• kjenner igjen nødvendigheita av ein førebyggjande tannpleieprofil.
• kjenner igjen og forstår behovet for effektiv kommunikasjon med pasientar, hjelpepersonell, kollegaer og andre samarbeidspartnarar (inkl. teamarbeid).

Generell kompetanse:

Studenten demonstrerer evne til observasjon og kritisk vurdering gjennom Praksisstudiet.