Teatervitskap: Teoretisk fordjuping i eit systematisk område

Emnet inneheld ei teoretisk og analytisk fordjuping i eitt eller fleire av dei systematiske områda skodespelarkunst, regi, dramaturgi og scenografi. Kvart av dei systematiske områda skal kasta lys over hovudaspekt ved teater framsyninga som eit scenisk kunstverk og gi ei utdjuping av den estetiske heilskapsforståinga.

Det kan variera frå semester til semester kva for eit av dei systematiske områda som vert handsama i undervisinga.

Kunnskapar

Etter fullført emne har studenten

• djuptgåande kunnskap om eitt eller fleire av dei systematisk områda innanfor teatervitskapen
• gode kunnskapar om teoridanning i relasjon til eitt eller fleire av dei systematisk områda

Ferdigheiter

Etter fullført emne kan studenten

• formulere seg klart og reflektert om dei systematiske områda det vert undervist i
• greie ut teoretisk om dei systematiske områda det vert undervist i
• nytte systematisk kunnskap til analyse av scenekunstverk

Generell kompetanse

Etter fullført emne kan studenten

• drøfte teoretiske og systematiske problemstillingar innanfor teatervitskapen
• bidra kritisk til den systematiske teaterforståinga innanfor teatervitskapen