Spansk 1a: Språklæring, spansk språk og kommunikasjon

Mål: Emnet har som mål å vidareutvikle studenten sine kunnskapar om og dugleik i spanskfaget.

Gjennom studiet skal studenten utvikla forståing for sentrale språklege og språkdidaktiske problemstillingar i ein kulturell kontekst. Emnet vil fokusera på korleis kompetansemåla for 2. framandspråk praktisk kan verta gjennomførte i undervisninga, og ein legg særskilt vekt på utvikling av munnleg og digital dugleik. Studenten skal ha eit medvite tilhøve til eiga og til elevane si språklæring og innsikt i skilnader og samsvar mellom spansk og norsk. Studenten skal kunna leggja til rette for framandspråkopplæring som fremjar utforsking, nyfikne og kreativitet i eit fagovergripande perspektiv.

Innhald:

Studiet tek opp tema innan:

- Spansk språk og kultur

- Kommunikasjon

- Språkutvikling

- Bruk av IKT i undervisninga

. Planlegging, gjennomføring og vurdering av undervisninga/språkopplæringa

-kurset legg særskilt vekt på utvikling av munnleg og digital dugleik

Studenten skal ved avslutta emne ha følgjande læringsutbyte definert i kunnskapar, dugleik og generell kompetanse:

Kunnskap

Studenten skal

- ha kunnskap om spansk språk med vekt på skilnader mellom spansk og norsk

- ha kunnskap om sentrale tema innan spanskspråkleg kultur (medrekna daglegliv, tradisjonar, skikkar, verdiar og kulturelle uttrykk i målspråkområdet)

- innsikt i sentrale styringsdokumentar for spanskfaget

- innsikt i spansk som dannings- og dugleiksfag (med særleg vekt på munnleg kompetanse)

- innsikt i teoriar om framandspråklæring og kunnskap om sentrale fagdidaktiske omgrep

- ha kunnskap om ulike læringsressursar for målgruppa i eit kjeldekritisk perspektiv

Dugleik

Studenten kan

- kommunisera med god uttale og intonasjon og bruka varierte språkstrukturar i munnleg og skriftleg kommunikasjon

- kan ta i bruk spansk som undervisningsspråk

- bruka tileigna teoretisk kunnskap for å planleggja og gjennomføra undervisning i tråd med kompetansemåla i faget sin læreplan

-leggja til rette for ulike arbeidsmåtar som fremjar utforsking, nyfikne og kreativitet i framandspråkopplæringa i eit fagovergripande perspektiv

- pedagogisk bruk av digitale verkty i undervisninga

- bruka vurdering som fremjar læring for å rettleia elevane i utvikling av dugleik på målspråket

Generell dugleik

Studenten kan

- vidareutvikla eigen språkleg og interkulturell kompetanse, eigen praksis og bidra aktivt i arbeidet med innovasjonsprosessar i skolen

- vurdera eigen praksis og samhandla med andre i profesjonsgjennomføringa