Forskingsinteresser:

Mine forskingsinteresser er i hovudsak knytte til profesjonalitet i læraryrket. Her er eg oppteken av både grunnlagsproblem og empirisk forsking som tek utgangspunkt i spørsmål som:  

• Kva kjenneteiknar (god) profesjonell dømekraft og profesjonelle avgjersler i læraryrket? Kva bidreg når lærarar gjer vurderingar og prioriteringar kring mål, innhald og metodar? Kva kunnskapsressursar gjer lærarar bruk av og kvar kjem dei ifrå (og korleis får lærarar tak i dei?)?
• Kva etiske spørsmål og dilemma særmerker læraryrket og korleis kan lærarar handtere desse på ein ansvarleg måte? Kva moralske dygder og prinsipp er avgjerande for god praksis som lærar?
• Kva rolle speler (felles) fagspråk for profesjonalitet i læraryrket? Har lærarar tilgang på veleigna omgrep for å møte oppgåvene i yrket (om ikkje, kan vi utvikle betre omgrep?)?   

I tillegg har eg også breie forskingsinteresser innan allmenndidaktikk. Her er eg særleg interessert i: 

• Allmenndidaktiske kjernepraksisar (core practices) knytte til undervisning og klasseleiing, og korleis arbeid med kjernepraksisar kan brukast i lærarutdanning  
• Produktive koplingar mellom allmenndidaktikk og pedagogisk psykologi (som til dømes cognitive load-teori, generativ læringsteori, Vygotskij-tradisjonen)         

Doktorgradsavhandlinga mi (UiB, 2021) var ein kvalitativ studie av læraraktørskap (teacher agency) i eit sosiokulturelt perspektiv, med erfaringar hjå norsklærarar i vidaregåande skule som empirisk døme. Avhandlinga ligg tilgjengeleg her: 

https://bora.uib.no/bora-xmlui/handle/11250/2737496

Metodar:

Eg arbeider både med empiriske metodar og teoretisk med filosofisk omgrepsanalyse. 

 Eg underviser i pedagogikk i lektorutdanninga ved UiB. For tida er eg særleg involvert i innføringsemnet for nye lektorstudentar (PEDA130).  

Se en full oversikt over publikasjoner i Cristin