Forskingsinteresser:

Mine forskingsinteresser er i hovudsak knytte til spørsmål om etikk, kunnskap, ideal og identitet i lærarar si profesjonsutøving. For tida er eg særleg interessert i:

• Korleis dygdsteoretiske perspektiv kan gi ny forståing av profesjonalitet, ekspertise og ansvar i læraryrket 
• Korleis veleigna omgrep og fagspråk bidreg til god praksis (og motsett: korleis lite eigna omgrep og språk skaper problem i praksis)

Doktorgradsavhandlinga mi (UiB, 2021) var ein kvalitativ studie av læraraktørskap (teacher agency) i eit sosiokulturelt perspektiv, med erfaringar hjå norsklærarar i vidaregåande skule som empirisk døme. Avhandlinga ligg tilgjengeleg her: 

https://bora.uib.no/bora-xmlui/handle/11250/2737496

Metodar:

Eg arbeider med filosofiske perspektiv og med empiriske (primært kvalitative) metodar. 

 Eg underviser i pedagogikk i lektorutdanninga ved UiB. For tida er eg særleg involvert i innføringsemnet for nye lektorstudentar (PEDA130).