Kva gjer ein musikkterapeut?
Ein musikkterapeut brukar musikk saman med menneske for å styrkje helse, livskvalitet og deltaking. Det kan vere song, spel, lytting eller å lage musikk saman. Arbeidet skjer i kommunar, i helseføretak, i skular og i kulturlivet, ofte i samarbeid med andre yrkesgrupper.
Polyfon forstår helse breitt: ikkje berre fråvær av sjukdom, men meistring, læring og det å kunne delta i samfunnet.
Kven kan ha nytte av det?
Musikkterapi blir brukt på tvers av aldrar og livssituasjonar. Polyfon arbeider særleg med fire område: barn og unges oppvekst, psykisk helse og rus, eldrehelse, og digitale former for musikkterapi. For kvart område har klynga skrive ei kunnskapsbeskriving som samanfattar kva forskinga viser og kva brukarar sjølve fortel.
Vil du prøve sjølv?
«En smakebit av musikkterapi» er eit gratis innføringskurs for brukarar, pårørande, erfaringskonsulentar og andre interesserte. Kurset finst både fysisk og digitalt, og kom i stand etter initiativ frå Polyfons erfaringspanel. Musikkterapodden er ein podkast for alle som er nysgjerrige på faget, med samtalar med deltakarar, pårørande og fagfolk.
Vil du bli musikkterapeut?
I Noreg er master i musikkterapi det grunnleggjande kompetansenivået. Du kan ta ein femårig integrert master ved Griegakademiet (UiB), eller ein toårig master ved Noregs musikkhøgskole etter ein bachelor med minst eitt år musikk og helse. Begge stader finst det også ph.d.-utdanning.
Lær meir om musikkterapi
Sidene under går djupare i faget, utdanningane og ressursane Polyfon har samla.