Polyfons årsmøte og styringsgruppe

Årsmøtet er det øvste organet i Polyfon kunnskapsklynge. Årsmøtet vel ei styringsgruppe som m.a. arbeider med å oppdatere og vidareutvikle den faglege plattforma og strategien til Polyfon.

Årsmøtet si samansetjing og funksjon

Årsmøtet er det øvste organet i klynga og vert gjennomført ein gong i året, seinast 15. juni. Årsmøtet består av ein representant for kvar av klyngedeltakarane, tre representantar frå erfaringspanelet og tre studentrepresentantar (ein frå kvar av dei tre regionane i klynga).

Saker årsmøtet handsamar

  • Godkjenning av årsrapport og rekneskap
  • Endringar i klyngeavtalen
  • Val av styringsgruppe og valkomité
  • Innkomne saker

Styringsgruppa si samansetjing

Etter klyngeavtalen som gjeld frå 1. januar 2026, vel årsmøtet ei styringsgruppe med ni representantar. Etter valet på årsmøtet 10. juni 2026 er styringsgruppa sett saman slik:

  • Geir Davidsen, instituttleiar, Griegakademiet, UiB. Leiar (2026–2030)
  • Randi-Luise Møgster, divisjonsdirektør, Divisjon for psykisk helsevern, Helse Bergen. Nestleiar (2026–2028)
  • Øystein Bratvold, etatsdirektør, Etat for psykisk helse og rustenester, Bergen kommune (2026–2030)
  • Kenneth Dybdahl, leiar, Polyfons erfaringspanel (2026–2030)
  • Astrid Kvalbein, rektor, Noregs musikkhøgskole (2026–2028)
  • Jacob Nødseth, leiar, hovudutval for kultur, idrett og inkludering, Vestland fylkeskommune (2026–2030)
  • Iris Anette Olsen, avdelingssjef ABUP, Sørlandet sjukehus (2026–2030)
  • Silje Rasmussen Sandnes, nestleiar, Polyfons erfaringspanel (2026–2028)
  • Jon Wergeland, kommunalsjef, barne- og familietenester, Kristiansand kommune (2026–2028)

Styringsgruppa sine oppgåver

Styringsgruppa skal sørgje for at intensjonane som ligg til grunn for klyngesamarbeidet vert innfridde. Det inneber mellom anna å:

  • oppdatere og vidareutvikle den faglege plattforma og strategien til Polyfon
  • godkjenne aktivitetar og prosjekt der alle deltakarane og erfaringsrepresentantane er med
  • godkjenne vesentlege endringar og gå gjennom progresjonen i slike aktivitetar og prosjekt
  • sikre rammer for finansieringa og det faglege samarbeidet i klynga
  • vedta årleg budsjett for klynga og vesentlege budsjettendringar

Sist oppdatert: 01.09.2026