Søk om formidlingsstøtte

Alle aktørar i klynga har høve til å søkje om støtte til arrangement og andre formidlingsprosjekt.

Du kan søkje om støtte til ulike formidlingstiltak, som t.d. film og brosjyre. Du kan også søkje om støtte til å gjennomføre arrangement, t.d. til honorar og reise/opphald til bidragsytarar, husleige og servering. Ordninga inkluderer også støtte til seminar i samband med Polyfon-konferansen. 

Søknadene skal vere grunngitt i behov i eit praksisfelt. Dette vert forstått vidt, og kan t.d. inkludere tema som praksisrelatert fagkritikk og / eller seminar for utvikling av nye samarbeidsrelasjonar.

Ved vurdering av søknader er kvalitet eit hovudkriterium. Samstundes vert det gjort ei heilskapleg vurdering med tanke på utviklingsbehova i kunnskapsklynga.

Prosjekt som inkluderer samarbeid mellom fleire deltakarar i klynga, og/eller samarbeid med brukarar eller pårørande, vert vurderte som særleg interessante. Når det gjeld samarbeid med brukar- og pårøranderepresentantar eller andre med erfaringskompetanse, gjev Polyfon sin rettleiar for brukar- og pårørandemedverknad informasjon om gode praksisar.

Søknaden sender du gjennom det digitale søknadsskjemaet (ekstern lenke). 

Søknaden skal innehalde:

• ei oppsummert skildring av prosjektet eller arrangementet – denne vert presentert på Polyfons nettside dersom du får tildeling (50-200 ord)
• personalia for kontaktperson (namn, telefon og e-postadresse)
• ansvarleg klyngedeltakar
• personalia for næraste leiar (namn, telefon og e-postadresse)
• tittel på formidlingsprosjektet eller arrangementet
• målgruppe
• ei kort skildring av korleis prosjektet eller arrangementet dekkjer behov i eit praksisfelt, og eventuelt korleis det kan fremme samarbeid (maks 300 ord)
• ein enkel tidsplan for formidlingsprosjektet (maks 100 ord)
• søknadssum (mellom kr. 2000 og kr. 20.000)
• eigeninnsats i form av arbeidstid og/eller kronebeløp
• budsjettdetaljar

I tillegg skal du laste opp ein e-post der næraste leiar stadfestar godkjenning av søknaden. Sjå meir om dette under Økonomi og forankring.

Søknadssummar er avgrensa nedover til kr 2 000,- og oppover til kr 20 000,-, unntaksvis til ein høgare sum. Ved utlysing med frist 1. oktober er potten er til fordeling på kr. 100 000,-.

Som hovudregel er det forventa at klyngedeltakaren stiller med ein eigeninnsats i form av arbeidstid og/eller kronebeløp som minst svarar til den summen det vert søkt om. 

Søknader skal vere godkjende av leiinga hjå den aktuelle klyngedeltakaren. I det digitale søknadsskjemaet lastar de opp ein e-post der leiinga stadfestar at den konkrete søknaden er godkjend, og at aktuelle klyngedeltakar tar ansvar for at eventuelle problemstillingar knytte til personvern og etikk blir tatt i vare.

Ved tilslag vert støtta betalt ut til søkjande klyngedeltakar, som forvaltar tildelinga.

For arrangement gjeld:

• Søkjar sender arrangementsinformasjon til Polyfon snarast mogleg etter tildeling, slik at arrangementet kan synleggjerast i Polyfons kalender og på klyngas Facebook-side.
• Polyfon vert invitert inn i den faglege planlegginga av arrangementet.
• Søkjar synleggjer Polyfon-støtta, gjerne ved bruk av Polyfon-logo.

For film, brosjyrar og liknande gjeld:

• Polyfon kan bruke filmen, brosjyren og liknande i arbeidet sitt.
• Som hovudregel ønskjer vi å gjere filmar og brosjyrar tilgjengelege på klyngas nettside, slik at materialet kan inngå i klyngas arbeid med å dele erfaringar og kunnskap.
• Søkjar synleggjer Polyfon-støtta ved bruk av Polyfon-logo i filmar, brosjyrar med meir.