Samarbeid med næringslivet

UiB har både etter- og vidareutdanningstilbod og forskarutdanningar som kan passe inn i verksemda di. 

• Nærings (ekstern lenke)- og offentleg sektor (ekstern lenke)-ph.d. - Gjennom desse ordningane kan kandidatar gjennomføre forskarutdanninga mens dei er tilsette i ei bedrift eller ei offentleg verksemd. Forskingsrådet kan dekke inntil 50 % av gjeldande stipendsats. Ta kontakt direkte med det aktuelle fagmiljøet vårt for å diskutere ph.d. tilpassa ditt kompetansebehov! 
• Nettstudier og vidareutdanning - Behov for fagleg oppdatering, eller ny kompetanse? Vi tilbyr alt frå små, einskilde emne til heile mastergrader. 
• Mikroemne - Skaff deg ny kompetanse ved å ta eit av våre mikroemne innan digitalisering og innovasjon. Emna er gratis, og gir deg 2,5 studiepoeng. Mikroemna passar å ta ved sida av jobb. 

Det er mange måtar å samarbeide med UiB på: 

Bidragsforsking: Bedrifter bidreg med finansiering eller andre ytingar til forskingsprosjekt som universitetet har det faglege ansvaret for, og eig resultata til. Samarbeidspartnarar kan i mange tilfelle få tilgang til arbeidsresultata. 

Oppdragsforsking: Bedrifter kjøper spesifikk forsking eller utgreiingar for å få svar på eit spørsmål. I mange tilfelle eig oppdragsgivar prosjektresultatet. Forskinga skjer til marknadspris. 

Samarbeidsavtalar: UiB har fleire, langvarige samarbeidsavtalar om forskingssamarbeid på ulike felt. Desse baserer seg vanlegvis på modellen for bidragsforsking. 

Immaterielle rettar: UiB vil ha eigarskapet til ulike arbeidsresultat frå prosjekta. I mange tilfelle blir prosjektresultata publiserte, og samarbeidspartnarar kan få tilgang eller bruksrett til desse dersom det er muleg.