Medier og kommunikasjon (master)

Etter fullført mastergrad har du eit solid fagleg grunnlag for arbeid med media og kommunikasjon i dei fleste samfunnssektorar. Masterstudiet gir deg kunnskap, ferdigheiter og kompetanse til å møte komplekse, faglege problemstillingar: 

• Du forstår kva rolle og betydning media og kommunikasjon har for samfunnsutviklinga 
• Du kan bruke relevante teoriar og metodar til å analysere aktuelle medie- og kommunikasjonsfaglege problemstillingar 
• Du kan bruke kunnskapen til praktiske problemstillingar, utfordringar og moglegheiter innan arbeidsliv, teknologi og samfunn 
• Du kan ta del i nytenking og strategiutvikling i media, kommunikasjons- og kulturbedrifter og organisasjonar 

På masterprogrammet har vi eit godt og inkluderande studentmiljø, og faste lesesalplassar. 

Studiet har fleire undervisningsformer, blant anna forelesingar, laboratorium, praktiske øvingar og arbeid i seminargrupper. Undervisninga og litteraturen er på norsk og engelsk.  

I løpet av studiet tar du eit praksiskurs, der du skal arbeide i ei bedrift og få erfaring med kva type oppgåver medie- og kommunikasjonsvitarar kan utføre i arbeidslivet.  

Masteroppgåva brukar ein normalt eitt år på å fullføre. Du vil få tildelt ein rettleiar, som er ein vitskapleg tilsett med fagleg spisskompetanse knytt til ditt masterprosjekt. Rettleiaren vil gi deg tips og råd om fagleg innhald, frå du startar å skrive oppgåva til ferdig produkt. 

I tillegg vil du kunne samarbeide med forskingsgruppene på instituttet, og vere tilkopla pågåande forskingsprosjekt.

Masterstudiet i medium og kommunikasjon gir kompetanse til å arbeide innan både privat og offentleg sektor, i medieføretak, organisasjonar og kulturlivet. Med denne mastergraden kan du blant anna få jobb innanfor  

• medie- og kommunikasjonssektoren 
• kultursektoren 
• offentleg sektor 
• næringslivet 
• forsking 
• undervisning 

Det er stor variasjon i kva yrke du kan få, men nokre eksempel er  

• kommunikasjonsrådgjevar 
• journalist 
• medieanalytikar 
• innhaldsprodusent 
• kulturarbeidar
• forskar 
• medielærar

Dei fleste studentar frå land utanfor EU/EEA/Sveits må betale studieavgift, men det finns unntak.

For å søke dette studieprogrammet må du oppfylle:

• dei generelle opptakskrava for master på UiB
• dei spesielle opptakskrava for dette studiet

Undervisningsspråk: Norsk

Masterstudiet i medium og kommunikasjon er eit toårig fulltidsstudium som startar i august. Det første året tar du ulike emne (fag), og det andre året skriv du masteroppgåve. 

1. semester 

Du vel to av desse emna: 

MEVI301 – Det globale medielandskapet (15 studiepoeng) 

MEVI302 – Avansert mediebruksanalyse (15 studiepoeng) 

MEVI303 – Film, TV og visuell kultur (15 studiepoeng) 

MEVI304 – Politisk og strategisk kommunikasjon (15 studiepoeng) 

2. semester  

I vårsemesteret skal du ta tre emne. Eitt obligatorisk og to valfrie forskingsemne: 

MEVI340 – Prosjektutvikling (10 studiepoeng). Obligatorisk. 

Forskingsemne vårsemesteret 2025 (nye tema kvart år). Vel to: 

MEVI310-9 – Forskingserfaring og metode: Dataspelforteljingar (10 studiepoeng) 

MEVI310-10 – Forskningserfaring og metode: Kva er ein god borgar? Demokrati og sosiale medium (10 studiepoeng) 

MEVI390 – Arbeidslivspraksis for mediestudentar (10 studiepoeng) 

3. og 4. semester  

I løpet av desse semestera skriv du masteroppgåve. 

MEVI350 – Masteroppgåve i medier og kommunikasjon (60 studiepoeng) 

Det er ikkje lagt opp til at studentar kan reise på utveksling i løpet av dette masterprogrammet. 

Du kan ta doktorgrad (ph.d.) ved å søke opptak til forskarutdanninga.

Studieplan for Masterprogram i medier og kommunikasjon