Molekylærbiologi (master)

Ein mastergrad i molekylærbiologi gir deg inngåande kunnskap, både teoretisk og praktisk, innan molekylærbiologiske prosessar og metodar. Kjennskap til teoretisk og praktisk molekylærbiologi er nødvendig for å kunne forstå og utforme ny kunnskap innan bioteknologi, samt biologisk og medisinsk vitskap.

Du får spesialisert kunnskap innan det området du vel som tema for masteroppgåva. I tillegg til oppgåver hjå forskingsgrupper ved instituttet har vi vanlegvis òg tilgjengelege oppgåver hjå andre institutt, og hjå eksterne institusjonar som Havforskingsinstituttet, NORCE og/eller Haukeland universitetssjukehus.

Etter fullført mastergrad kan du

• planlegge og gjennomføre molekylærbiologiske og biokjemiske eksperiment og kritisk vurdere resultata i forhold til hypotesen du testar

• presentere kunnskap om vitskaplege tema og forsking både munnleg og skriftleg

Molekylærbiologi er del av Institutt for biovitskap (BIO), som du finn på Marineholmen nær Bergen sentrum. Dette er eit internasjonalt miljø med studentar og forskarar frå heile verda. Arbeidsspråket er engelsk.   

Masterstudentane våre har eigen lesesal og område for sosiale aktivitetar i nærleiken av forskingslaboratoria, og det er tett samarbeid mellom tilsette og studentar.  

Helix – studentorganisasjonen for molekylærbiologistudentar - er svært aktiv og inviterer master- og bachelorstudentar til å delta på ulike sosiale arrangement.   

I ei vanleg veke som masterstudent bruker du mykje tid i laboratoriet. Du har også forelesingar, seminar, kollokvier, prosjektarbeid, presentasjonar og innleveringar. Det er eit travelt fulltidsstudium, med mange aktivitetar kvar dag.  

Masterprosjektet er ofte del av eit større forskingsprosjekt, der studentane er ein naturleg del av forskingsgruppa.

Med mastergrad i molekylærbiologi kan du jobbe innan forsking og undervisning, både som vitskapleg tilsett og som støttepersonell ved universitet, høgskolar, sjukehus og forskingsinstitutt. 

Du kan òg jobbe innan område som   

• bioteknologisk industri 
• biomedisinsk og farmasøytisk industri 
• matforsking   
• oljeindustri   
• marin forsking  
• rettsvitskap/-medisin   
• miljø- og klimaforsking 
• offentleg forvaltning  

Du kan halde fram innan akademisk forsking ved å ta ei forskarutdanning (ph.d.). 

Dei fleste studentar frå land utanfor EU/EEA/Sveits må betale studieavgift, men det finns unntak.

Statsborgarar utanfrå EU/EØS/EFTA har søknadsfrist 4. januar

Statsborgarar innanfrå EU/EØS/EFTA har søknadsfrist 1. mars

Nordiske statsborgarar og søkarar som bur i Noreg har søknadsfrist 15. april

Programmet har hovudopptak på hausten og suppleringsopptak på våren (søknadsfrist 1. november).

Undervisningsspråk: Norsk og engelsk

Første året som masterstudent i molekylærbiologi bruker du til å jobbe med emne (60 studiepoeng), det andre året jobbar du i lab og skriv på masteroppgåva (60 studiepoeng).   

Nokre emne er obligatoriske, men dei fleste kan du velje utifrå faginteresser.  

Slik kan studiet sjå ut, med oppstart om hausten: 

Første semester (haust):  

Praktisk biokjemi og molekylærbiologi (MOL300, 20 studiepoeng), obligatorisk  

Valfritt emne på 200- eller 300-nivå (10 studiepoeng)  

For eksempel Utviklingsgenetikk (MOL213, 10 studiepoeng), LIPID: molekylære, cellulære og biokjemiske eigenskapar i helse og sjukdomar (MOL210, 10 studiepoeng) og/eller Teknikkar, modellsystem og aktuelle forskingstema i molekylærbiologi (MOL220, 10 studiepoeng). 

Andre semester (vår):   

Strukturell molekylær biologi (MOL310, 10 studiepoeng), obligatorisk  

Valfritt emne på 200- eller 300-nivå (20 studiepoeng)  

For eksempel Nervesystemet sin molekylærbiologi (MOL214, 10 studiepoeng), Innovasjon i industriell bioteknologi (MOL232, 10 studiepoeng) og/eller Bioetikk (MOL270, 10 studiepoeng)  

Tredje og fjerde semester:

MOL399 Masteroppgåve i molekylærbiologi 

Det er ikkje lagt opp til å dra på tradisjonell utveksling i vår mastergrad. I dei tilfella der rettleiar har samarbeidspartnarar i utlandet, kan det vere mogleg å reise i dit i ein avgrensa periode som ein del av eit masterprosjekt hos oss.

Sjå anbefalte utvekslingsavtalar

Etter fullført mastergrad kan du søke på stilling som doktorgradsstipendiat (PhD) innan molekylærbiologi og liknande fagområde, både i inn- og utland.

Studieplan for Masterprogram i molekylærbiologi