Geologi i praksis

Mål:

Målet med emnet er å gje ei praktisk og realistisk utforsking av faget geologi, basert på den grunnleggande teoretiske innføringa frå GEOV101. Planeten Jorda er eit komplekst system der prosessar med ulike hastigheiter over geologisk tid har danna ulike bergartar og landformer. Emnet skal styrke forståinga av dei indre og ytre geologiske prosessane som er relevante for geologien på Vestlandet.

Innhald:

Undervisninga gis som praktiske øvingar, ekskursjon (4 dagar), feltkurs (4 dagar), og einskilde førebuande forelesingar.

• Øvingane tek for seg kart og digitale kartverktøy, geologisk tid, dei vanlegaste minerala og bergartane, ytre prosessar og deira karakteristiske formar for erosjon og avleiring (jordart og landformer), samt tolking av ulike typar geologiske kart.
• Ekskursjonen tek for seg korleis observasjon og tolking blir brukt for å utleie ei geologisk historie, innafor sedimentær, magmatisk og metamorf geologi, samt for havnivåendringar, istids- og klimahistorie på Vestlandet.
• Feltkurset tek for seg bruk av grunnleggande geologiske feltverktøy (kompass, feltdagbok), praktisk innsamling av observasjonar og geologiske data, tolking av observasjonar og data, samt gir trening i sjølvstendig geologisk feltarbeid (under rettleiing).

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• kan gjere geologiske observasjonar og tolke dei
• kan forklare geologiske prosessar basert på eksempel frå praktiske øvingar og demonstrasjonar
• kan definere, skildre og klassifisere dei vanlegaste sedimenta og bergartane
• kan diskutere danninga av dei vanlegaste sedimenta og bergartane
• kan konstruere ei geologisk historie på bakgrunn av geologisk informasjon

Ferdigheiter

Studenten

• kan tolke topografiske og geologiske kart
• kan konstruere geologiske profil frå geologiske kart
• kan planlegge og gjennomføre innsamling av observasjonar og data i felt
• kan måle orienteringa av geologiske plan og lineasjonar ved bruk av kompass
• kan gjennomføre enkle søk etter relevant geovitskapleg litteratur, samt nytte korrekt kjeldetilvising

Generell kompetanse

Studenten

• kan anvende eit presist fagspråk til å skildra og diskutera geologiske prosessar og hendingar
• kan demonstrere evna til å fungere individuelt og i samarbeid med andre
• kan planlegge og gjennomføre feltarbeid i samsvar med GEO/UiB sine HMS-retningslinjer

Vår

Emnet har eit avgrensa tall på plassar og inngår i undervisningsopptaket. Meir info:

https://www.uib.no/nt/53575/undervisningsopptaket-ved-nt-fakultetet