Les og skriv

Emnet har som mål å gje studentar innføring i sentrale akademiske aktivitetar innan humaniora. Gjennom emnet skal studentar øve opp lese- og skriveferdigheiter i lys av ny teknologi, særleg kunstig intelligens.

Emnet er delt inn i tre hovudtema:

1. Fagleg lesing

Evna til å lese og forstå akademiske tekstar må øvast opp. I emnet vil studentane lære om å lese, og lære seg arbeidsmetodar for aktiv lesing av akademiske tekstar. For å lære seg å lese slike tekstar treng studentar kunnskap om ulike typar tekst og forståing for korleis dette kan prege måten ein les på.

2. Akademisk skriving

Lesing er tett knytt saman med skriving, og emnet skal gi ei innføring i korleis ein skriv akademiske tekstar. Emnet skal lære studentane arbeidsmåtar ein nyttar i utarbeiding av ein fagtekst. Dette inkluderer å finne relevant litteratur, å utarbeide gode spørsmål som utgangspunkt for fagtekst, å strukturere teksten på ein formålstenleg måte og å lære å skrive refererande, analyserande og diskuterande.

3. Lesing, skriving og kunstig intelligens

Emnet skal sjå på lesing og skriving i lys av vår digitale tidsalder. Studentar vil få ei innføring i KI-verktøy som er relevante for akademisk arbeid. Emnet skal lære studentar om fordelane og ulempene ved bruk av KI, og gjere dei i stand til å ta gode og reflekterte val i ansvarleg bruk av KI som eit læringsverktøy, samt sjå verdien av å skrive sjølv.

Studenten skal ved avslutta emne ha følgjande læringsutbytte:

Kunnskap

Studenten skal

• ha kunnskap om vilkåra for konsentrert lesing
• vere kjende med tekstar frå eige fagfelt og vite om skilnaden på fagtekstar og andre sjangrar
• vere kjende med prinsippa for ulike skrivemåtar i den akademiske sjangeren
• kjenne til ulike KI-verktøy og kva dei kan brukast til

Ferdigheiter

Studenten

• kan lese fagtekstar konsentrert og utforskande
• kan forstå og vurdere faglege tekstar frå eige fagfelt og kjenne til likskapar og skilnader mellom desse og tekster frå andre sjangrar
• kan anvende ulike skrivemåtar, til dømes refererande, oppsummerande og drøftande skrivemåtar
• kan nytte metodar for kjeldesøk og kritisk vurdere kjelder
• kan bruke KI på ein formålstenleg og forsvarleg måte i studiesamanheng

Generell kompetanse

Studenten skal

• kunne skrive klart og tydeleg
• kunne lese fagtekstar aktivt og konsentrert
• kunne utvikle, revidere og ferdigstille ein fagleg tekst som tilfredsstiller krava i den akademiske sjangeren
• vere trygg i bruken av KI og kunne reflektere rundt forsvarleg og uforsvarleg bruk