Nyare sosiologiske teoriar

Studenten skal ved avslutta emne ha følgjande læringsutbyte definert i kunnskapar, dugleikar og generell kompetanse:

Kunnskapar

Etter avslutta emne kan studenten

• gjere greie for sentrale nyare sosiologiske teoriar og ulike teoretiske perspektiv knytt til tilhøvet mellom handling og sosial orden
• gjere greie for og skilje ulike omgrep om sosial-, kulturell -og økonomisk kapital, og omgrepa om livsverda og samfunnet som sosiale drama, og gjera greie for ulike perspektiv på globalisering og det globale samfunnet
• plassere teoriane i høve til samfunnskontekst og historisk tid, og gjere greie for korleis nyare sosiologiske teoriar kan gje bidrag til å forstå, forklara og analysera dei globale samfunnstilhøva og den postmoderne kulturelle tilstanden.

Dugleikar

Etter avslutta emne kan studenten

• svare på problemstillingar på ein analytisk og drøftande måte med grunnlag i vitskaplege tekstar
• kunne bruke ulike teoretiske perspektiv og omgrep for å forstå og diskutere den globale historiske konteksten
• ha innsikt i den aktuelle relevansen til dei nyare sosiologiske teoriane
• skrive ein tekst ut frå faglege etiske kriterium, korrekte litteraturreferansar og kjeldetilvisingar

Generell kompetanse

Etter avslutta emne har studenten

• forståing og respekt for akademisk skrivearbeid og vitskapleg tenkjemåte
• forståing av kor viktig det er at ulike faglige synspunkt kjem fram og blir diskuterte
• generelle dugleikar i kritisk tenking og evne til å skilje mellom argument ut i frå kva for teoretiske perspektiv dei er grunna i