Innføring i arabiskfaget og moderne standardarabisk
Lågaregradsemne
- Studiepoeng
- 10
- Undervisningssemester Haust
- Emnekode
- ARA100
- Talet på semester
- 1
- Undervisningsspråk
- Norsk eller engelsk
- Ressursar
- Timeplan
Emnebeskrivelse
Mål og innhold
Læringsutbytte
Student skal ved avslutta emne ha oppnådd følgande læringsutbyte:
Kunnskap
Studenten
- kan bruke grammatikk om heilt grunnleggande fenomen i moderne standardarabisk, som for eksempel: bestemte og ubestemte fraser og setningar utan verb, fleirtal av substantiver og adjektiver, samsvarsbøying av substantiv og adjektiv, personlege og demonstrative pronomen og "har"-setningar.
- kan gjere greie for hovudtrekka i arabisk språkhistorie og hovudtrekka i dei europeiske og arabiske faghistoriene.
- kan skrive arabisk med latinske bokstavar på ein vald, standardisert måte og bruke dette som lydskrift i språklæringssituasjonar (til dømes IJMES-translitterasjon)
Ferdigheiter
Studenten
- kan lese og skrive det arabiske alfabetet og ha eit aktivt ordforråd på ca. 200 ord.
- kan forstå og bruke kjente, daglegdagse ord og uttrykk til dømes om seg sjølv, familie, heimstad, mat og reise på korrekt standardarabisk og kan delta i ein samtale på ein enkel måte dersom samtalepartnaren snakkar sakte og tydeleg.
- kan aktivt bruke kunnskap i grammatikk på ei praktisk måte gjennom å skrive og fortelje på moderne standardarabisk om enkle og nære tema.
- kan ta i bruk arabisk språkkunnskap for å løyse praktiske og teoretiske problemstillingar.
Generell kompetanse
Studenten
- har grunnleggande kjennskap til arabiskfaget, læring av arabisk som framandspråk og mogelegheitene i vidare studiar.
- kan presentere og formidle eit bodskap på ein tydeleg måte.
Studiepoeng, omfang
Studienivå (studiesyklus)
Undervisningssemester
Undervisningssted
Krav til forkunnskaper
Anbefalte forkunnskaper
Studiepoengsreduksjon
Krav til studierett
Arbeids- og undervisningsformer
Undervisninga i emnet er bygd opp av fire timar med undervisning per veke i 10 veker. Først er det to veker med førelesningar (to dobbelttimar i veka) før undervisninga går øver til ei seminarrekke med to dobbeltimar seminar i veka.
Det vert lagt opp til bruk av studentaktive læringsformer, og gjennom semesteret vil det vere stor vekt på eigenaktivitet. Det er venta at studentane førebur seg grundig til timane og gjennomfører etterarbeid og oppgåveløysing.
Om det melder seg færre enn fem studentar til eit emne, kan undervisningstilbodet bli tilpassa studenttalet. Studentane vil i så fall bli informerte om det alternative undervisningsopplegget ved semesterstart og før semesterregistreringsfristen den 1. september.
Obligatorisk undervisningsaktivitet
Studentane må gjennomføre og bestå tre obligatoriske undervisningsaktivitetar for å kunne kvalifisere for eksamen. Kvar student må:
- fullføre test i ordforråd.
- skrive ei oppgåve som svarar på spørsmål om grunnleggande grammatiske fenomen i moderne standardarabisk.
- halde ein munnleg presentasjon om eit eller fleire tema som har vore aktualisert i undervisninga.Presentasjonane vil skje i undervisningsrommet saman med medstudentar.
I tillegg er det obligatorisk å møte til 50 % av undervisninga.
Alle obligatoriske arbeidskrav må vere bestått i same semester. Godkjenninga av obligatoriske arbeidskrav er gyldig i undervisningssemesteret og dei to påfølgjande semestera.