Økologi: frå individ til økosystem

Emnet gir ei innføring i grunnleggjande økologisk teori på individ-, populasjons- og samfunnsnivå. Livshistorieteori, populasjonsvekst, konkurranse, predator-bytte, parasittisme, diversitet, suksesjonar, artstrukturer, fordelingar i tid og rom, metapopulasjons- og samfunnsøkologi er viktige tema i emnet. Det blir lagt stor vekt på kvantitative analyser og skriving i emnet. Kurset skal gi eit økologisk teorigrunnlag og vise økologien sin relevans for samfunnet, for eksempel for kunnskapsbasert hausting av naturresurssar og forvaltning av andre økosystemfunksjonar og -tenester.  

Etter fullført emne skal studenten kunne/ha:

• Beskrive og forklare sentrale økologiske teoriar, begrep og modellar.
• Oppsummere enkelte økologiske metodar i felt og lab og diskutere nytten av modellering.
• Bruke nokon statistiske og numeriske metodar aktivt for å analysere økologiske prosessar.
• Identifisere og forklare koplingar mellom evolusjon, økologiske tilpassingar og økosystem sin funksjon.
• Diskutere relevante og anvendte økologiske tema i lys av økologisk teori.
• Skrive uavhengige tekstar om økologiske spørsmål med eit akademisk språk og format.
• Konstruere presise illustrasjonar og grafar over data, teoriar og siimueringar og trekke koklusjonar frå desse.

Haust.

Emnet har eit avgrensa tall på plassar og inngår i undervisningsopptaket.

Meir informasjon: http://www.uib.no/matnat/utdanning/studiehverdag/undervisningsopptaket

 Frist for å melde seg til undervising i emnet er onsdag i veke 33 for haustsemesteret. Du får svar på om du har fått plass på emnet på Studentweb seinast tysdag veka etter fristen.

Tidspunkt for første førelesing/orienteringsmøtet finn du i timeplanen på nettsida til emnet eller på Mitt UiB.

Det er obligatorisk oppmøte på første førelesning.