Å skape digital kultur
Lågaregradsemne
- Studiepoeng
- 15
- Undervisningssemester Haust
- Emnekode
- DIKULT105
- Talet på semester
- 1
- Undervisningsspråk
- Engelsk, norsk ved behov
- Ressursar
- Timeplan
Emnebeskrivelse
Mål og innhold
Emnet er ein introduksjon til praktisk og interaktiv skaping innan digital kultur. Studentane deltar i og utforskar eit utval av digitale teknologiar og skaper interaktive og nettbaserte digitale artefaktar. Dette blir gjort innanfor områda kreativ programmering, design av nettsider og appar, og/eller digital interaksjonsdesign. Emnet introduserer også teoriar som støttar desse områda, med fokus på skaping og formidling av digital kulturproduksjon.
Emnet omfattar analytiske, estetiske og praktiske aspekt for å skape digital interaktivitet. Den analytiske delen inneber at studentane øver på kulturell og/eller teknologisk analyse av digital teknologi. Den estetiske delen inneber at studentane øver på å forstå og bruke digitale konvensjonar og teknikkar. Den praktiske delen inneber at studentane øver på metodar for å skape sjølvstendige digitale artefaktar.
Emnet introduserer studentane til typiske prosessar for å skape eit sjølvstendig digitalt prosjekt. Studentane kan ta på seg ulike roller i produksjonen av prosjektet, som prosjekt-/kunstnarisk leder, programmerer, visuell designar, lysdesignar, grensesnittutviklar og interaksjonsdesignar.
Læringsutbytte
Kunnskapar
Kandidaten har kunnskapar om
- programmeringsspråk og digital designprogramvare på innføringsnivå
- teoriar og konvensjonar innan digitale praksisar
- kreative teknikkar for programvare
- typiske praktiske prosessar, frå konseptutvikling til eksport og levering av ein digital artefakt
Ferdigheiter
Kandidaten kan
- skape digitale produkt
- bruke teoriar og konvensjonar for digitalt arbeid
- analysere design og estetikk i digital interaksjon
- skrive ein kritisk rapport om praktisk arbeid
Generell kompetanse
Kandidaten kan
- organisere gruppearbeid og forhandle om oppgåver og strategiar
- sjå kritisk på digitale praktiske produkt
- sjå kritisk på den digitale kreative industrien
- diskutere og forsvare eige arbeid
Fulltid/deltid
Studiepoeng, omfang
Studienivå (studiesyklus)
Undervisningssemester
Undervisningssted
Krav til forkunnskaper
Studiepoengsreduksjon
Krav til studierett
Emnet er opent for studentar på bachelorprogrammet i digital kultur, samt utvekslingsstudentar. Andre bachelor- og masterstudentar ved UiB kan søkje om å ta emnet, dersom det er kapasitet.
Emnet har avgrensa kapasitet, og studentar på bachelorprogrammet i digital kultur vil bli prioriterte. Informasjon om søknadsfristar vil bli publisert i Studentweb i forkant av kvart semester.
Arbeids- og undervisningsformer
Kvar undervisningsveke inneheld vanlegvis ein kombinasjon av forelesingar og labtid. Undervisningsplanen vil vere tilgjengeleg ved semesterstart.
Det er viktig at studentane deltar på orienteringsmøtet tidleg i semesteret, før undervisninga startar.
Undervisninga følgjer ein studentaktiv læringsmodell som typisk kombinerer praktisk læring, digital kompetansebygging og forelesingar. I tillegg til pensumlitteratur kan studentane bli tildelte lekser, inkludert lesing, praktiske oppgåver og skriving.
Studentane er forventa å arbeide 18 timar per veke med emnet frå byrjinga til slutten av undervisningsperioden, inkludert veker utan planlagt undervisning. I undervisningsfrie veker er det forventa at studentane brukar tida til å lese undervisningsmateriale, fullføre oppgåver og forberede seg til eksamen.
Studentane kan bli inviterte til relevante gjesteforelesingar og arrangement organiserte av digital kultur og Senter for digitale fortellingar.
Om færre enn fem studentar registrerer seg til emnet, kan instituttet tilby redusert undervisning. Sjå instituttets retningslinjer på Mitt UiB for meir informasjon. I slike høve vil studentane bli varsla før fristen for semesterregistrering.
Obligatorisk undervisningsaktivitet
Oppmøte er obligatorisk i alle undervisningsaktivitetar. Deltakinga blir godkjent av emneansvarleg. Dersom fråværet overstig 25 %, får ikkje studenten ta eksamen.
Studentane er sjølve ansvarlege for å halde oversikt over eige fråvær og bør føre ein logg over sitt eventuelle fråvær.
For å kunne ta eksamen må studenten fullføre 3-6 obligatoriske oppgåver. Dette inkluderer praktiske oppgåver og tilhøyrande aktivitetar. Meir informasjon om dette vil vere tilgjengelig ved semesterstart. Kvar oppgåve blir vurdert som «godkjent» eller «ikkje godkjent».
Alle oppgåver må fullførast og godkjennast av emneansvarleg før studenten kan ta eksamen.
Vurderingsformer
Studenten skal byggje opp ei mappe som dannar grunnlaget for vurderinga:
Studenten skal levere eit sjølvstendig praktisk arbeid og ei semesteroppgåve på rundt 2 000 ord om det praktiske arbeidet i samsvar med eit tema.
Det vert gitt éin karakter for eksamen.
Studentane kan levere eksamen på norsk eller engelsk.
Karakterskala
Vurderingssemester
Litteraturliste
Undervisningsmaterialet er vanlegvis på engelsk.
Lista over obligatorisk og anbefalte litteratur, så langt dette er tilgjengeleg på forhånd, vil bli lagt ut på Mitt UiB før semesterstart og oppdatert ved behov. Litteraturen vil være tilgjengeleg hos Akademika eller e-bøker eller artiklar som er mogeleg å laste ned.
Studentane forventast også å gjere seg kjent med andre relevante akademiske materialar gjennom biblioteket, nettbaserte akademiske kjelder og sjølvstendig forsking på temaet.