Grunnleggjande reservoarfysikk

Mål:

Emnet har som mål å gje ei grunnleggjande innføring i reservoarfysikk og eit godt fagleg grunnlag for å forstå fleirfasestraum i porøse medium. Studentane skal få eit overblikk over moglegheiter innan studieretninga "reservoar- og geoenergi" med særleg fokus på lågutsleppsteknologi innan petroleumsproduksjon, energilagring, geotermi og CO2 lagring.

Innhald:

Emnet gjev ei innføring i generell reservoarfysikk med vekt på dei fysiske prosessar som ligg til grunn for olje/gass produksjon, CO2 lagring, geotermisk utvinning og energilagring. Grunnleggjande parametre og likningar som blir gjennomgått er porøsitet, absolutt og relativ permeabilitet, metning, fuktpreferansar, kapillartrykk, væskedynamikk, innblanding av væsker, og brønnteknologi. Teknologiar for reduksjon av karbonavtrykk i petroleumsproduksjon, som til dømes hydrogen og CO2 fangst, bruk og lagring (CCUS) blir introdusert.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• kan greie ut om sentrale tema innan reservoarfysikk
• kan forklare eigenskapar ved porøse medium og geologiske formasjonar/reservoar
• kan beskrive fleirfasestraum i porøse medium
• kan gjere greie for parametrar som porøsitet, permeabilitet, trykk, temperatur, kapillartrykk, blandbarheit, relativ permeabilitet og fuktpreferanse
• kan forklare prinsippa ved brønnboring

Ferdigheiter

Studenten

• skal kunne bruke likningar og målingar som beskriv fleirfasestraum i porøse medium
• skal bidra til gjennomføring av lågutsleppsteknologi

Generell kompetanse

Studenten

• kan gje korte presentasjonar om relevante tema
• kan ta del i faglege diskusjonar om energiomstilling

Bachelor

Master