Introduksjon til engelskstudiet

ENG100 består av to delar, ein i lingvistikk og ein i litteratur.

Lingvistikkdelen skal gi grunnleggjande kunnskap om lingvistikk som disiplin, med vekt på tema som gjeld engelsk språk, og som studenten møter i vidare studieløpet.

Litteraturdelen gir ein introduksjon til og grunnleggjande kunnskap om litterær analyse og tolking gjennom fokus på sjangrar som novelle og poesi, og gir studenten eit grunleggjande omgrepsapparat dei vil bruke seinare i studiet.

Målet er at studenten får øving i vesentlege ferdigheiter i form av munnleg og skriftleg akademisk diskusjon om problemstillingar og tekstar innanfor engelsk lingvistikk og litteratur.

Studenten skal ved avslutta emne ha følgjande læringsutbyte, definert i kunnskapar, ferdigheiter og generell kompetanse. Desse oppnår studenten gjennom sjølvstendig arbeid med pensum, førebuing til førelesningar og seminar, gjennom munnleg deltaking i diskusjonar, og innlevering av obligatoriske skriftlege arbeid.

Kunnskap

Studenten

- har ei grunnleggjande forståing av lingvistikk som disiplin, og nokre av dei emne som høyrer inn, som til dømes engelsk grammatikk, fonetikk, språkvariasjon- og endring, haldningar til språk, og språkhistorie

- har grunnleggjande kunnskap om verktøy og teknikkar til bruk i omgang med språklege data og lingvistiske kjelder

- har grunnleggjande forståing av eit utval av fundamentale omgrep og/eller metodar innanfor lingvistikk

- har grunnleggjande kunnskap om litterær analyse og fortolking av litteratur i lys av strukturar og verkemiddel som er grunnleggjande for ulike sjangrar

- har grunnleggjande kunnskap om ulike tekstlege mønstre

- har grunnleggjande forståing av at det er ulike tilnærmingar til litterær analyse

- har grunnleggjande forståing for samanhengen mellom litteratur og kultur

- har kunnskap om grunnleggjande litterær terminologi til bruk i kritisk lesing

Ferdigheiter

Studenten

- kan beskrive og summere eit utval av grunnleggjande omgrep eller/og metodar innanfor lingvistikk

- kan identifisere og diskutere ulike typar språkdata

- kan identifisere strukturar i ulike litterære tekstar, óg på ordnivå

- kan formulere problemstillingar i høve til ein litterær tekst

- kan kjenne att ulike sjangertrekk i tekstar og diskutere desse med utgangspunkt i et utval sentrale litterære omgrep

Generell kompetanse

Studenten

- har ei grunnleggjande forståing av lingvistikk som disiplin, og grunnleggjande ferdigheiter i bruk av lingvistiske verktøy og teknikkar

- har grunnleggjande kunnskap i litterær analyse og fortolking av litteratur i lys av strukturar og verkemiddel som kjenneteiknar ulike sjangrar

- har eit godt grunnlag for vidare studium i engelsk lingvistikk, litteratur og kultur

- har kunnskap om korleis dei skal unngå plagiat, og korleis dei skal sitere på korrekt akademisk vis

- har grunnleggjande kunnskap om kjeldebruk og søk, inkludert søk i biblioteket sine databasar og andre elektroniske informasjonskjelder

- Har grunnleggjande ferdigheiter i akademisk skriving som sjanger, og kan produsere ein tekst som oppfyller språklege og strukturmessige sjangerkrav til akademiske tekstar