Mat, miljø og bærekraftig utvikling

Studentane får ei innføring i lokale og globale matsystem, politisk økologi, og berekraftig utvikling. I løpet av kurset skal studentane samanfatte og diskutere den generelle kunnskapen gjennom skriving av ei semesteroppgåve.

Kurset handlar om den mest grunnleggande problemstillinga for berekraftig utvikling: Korleis sikre nok mat til verdas befolkning og samstundes forvalte miljøet på ein berekraftig måte? Det vert lagt vekt på kunnskap om ulike system for matproduksjon i landbruk, fiske, akvakultur og husdyrhald. Sentrale tema er global mathandel, matsikkerheit og ernæring, ulik fordeling og forbruk, samt miljøeffektar som klimaendringar og arealtap, ressursforvalting og miljøpolitikk.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten

• kan gjere greie for teoriar om tilhøvet mellom landbruk, befolkningsutvikling, miljø og matsikkerheit
• kan gjere greie for teoriar om berekraftig utvikling
• kan gjere greie for diskursar og narrativ om miljø og utvikling
• kan gi ei oversikt over produksjon og fordeling av mat frå det enkelte bruk til den globale matvareøkonomien

Ferdigheiter

Studenten

• kan bruke berekraftperspektiv knytt til matproduksjon og konsum i analyse av samfunn, miljø, ressursbruk og global utvikling
• kan nytte akademisk skrive- og referanseteknikk

Generell kompetanse

Studenten

• kan gi kritiske vurderingar av ulike perspektiv på miljø- og utviklingsdiskursar