Feltgeomatikk
Lågaregradsemne
- Studiepoeng
- 10
- Undervisningssemester Haust
- Emnekode
- GEOV281
- Undervisningsspråk
- Engelsk
- Ressursar
- Timeplan
Emnebeskrivelse
Mål og innhold
Emnet gjev studentane ei heilskapleg forståing av prinsipp, teknikkar og instrumentering innan moderne feltgeomatik og bruken av desse innan geovitskaplege fagområde som glasiologi, landbruk, skogbruk og naturfarekartlegging. Emnet har særleg fokus på ubemanna luftfartøy (UAV) med RGB-, multispektrale og LiDAR-sensorar, handhaldne SLAM-baserte LiDAR-system og handhalden fotogrammetri. Studentane lærer å planleggje, samle inn, prosessere og tolke høgoppløyselege romlege data, og å visualisere og analysere geomatikkdata i GIS.Emnet inkluderer eit 5-dagars feltkurs i Jondal i Hardanger, der studentane får praktisk erfaring med feltmåling og datainnsamling.
Læringsutbytte
Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:
Kunnskap
Studenten
- kan skildre og drøfte bruk av feltgeomatikkmetodar i geovitskaplege applikasjonar
- kan forklare prinsipp og instrumentering for UAV-basert fjernmåling, LiDAR og fotogrammetri
- kan vurdere styrkar og avgrensingar ved geomatikktilnærmingar i ulike miljøkontekstar
- har grunnleggjande kunnskap om å implementere geomatikk i forsking og profesjonell praksis
Ferdigheiter
Studenten
- kan planleggje og gjennomføre innsamling av geomatikkdata i felt
- kan vurdere geospatial datakvalitet og integrere data med feltobservasjonar
- kan velje eigna geomatikkmetodar for landskapskarakterisering
- kan utføre grunnleggande geospatiale analysar med UAV-, LiDAR- og fotogrammetriske data
- kan utforme ein geomatikkundersøking for ein definert applikasjon
Generell kompetanse
Studenten
- kan vurdere litteratur om geomatikk og fjernmåling i geovitskap
- kan forklare korleis geomatikk supplerer tradisjonelle feltmetodar
- kan arbeide sjølvstendig og i lag i feltkampanjar
- kan formidle resultat frå geomatikk skriftleg og munnleg
- kan forklare samfunnsrelevansen av geomatikkapplikasjonar
Studiepoeng, omfang
10 studiepoeng
Studienivå (studiesyklus)
Bachelor
Undervisningssemester
Haust.
Emnet har avgrensa tal på plassar og inngår i undervisningsopptaket. Meir info: www.uib.no/nt/53575/undervisningsopptaket-ved-nt-fakultetet
Undervisningssted
Bergen og Jondal i Hardanger (5-dagars feltkurs).
Anbefalte forkunnskaper
Grunnleggjande kunnskap i GIS og fjernmåling.
Studiepoengsreduksjon
Ingen
Krav til studierett
For oppstart på emnet er det krav om ein studierett knytt til Fakultet for naturvitskap og teknologi. Studenter. Studenter på Bachelorprogrammet i geofag og informatikk har fortrinnsrett.
Arbeids- og undervisningsformer
Undervisninga skjer gjennom seminar, diskusjonar og praktiske øvingar med ein omvendt klasseromsmodell og førebuande digitale læringsressursar. Studentane arbeider med reelle geomatikkdatasett og gjennomfører felt- og dataøvingar. Emnet omfattar eit 5-dagars feltkurs i Jondal i Hardanger der studentane arbeider i grupper med planlegging, datainnsamling og prosessering ved bruk av UAV, terrestrisk og handhalden LiDAR og fotogrammetri.
Obligatorisk undervisningsaktivitet
Obligatorisk deltaking på 5-dagars feltkurs og tilhøyrande arbeidskrav.
Vurderingsformer
Mappevurdering som består av:
- ein teoretisk plan for geomatisk datainnsamling (25 %)
- ei oppgåve basert på prosesserte feltdata (75 %)
Karakterskala
A-F
Vurderingssemester
Haust
Litteraturliste
Litteraturlista vil vere klar innan 01.07. for haustsemesteret og 01.12. for vårsemesteret.
Emneevaluering
Studentane skal evaluere undervisninga i tråd med UiB og instituttet sitt kvalitetssikringssystem.
Hjelpemiddel til eksamen
Ingen
Programansvarlig
Programstyret har ansvar for fagleg innhald og oppbygging av studiet og for kvaliteten på studieprogrammet og alle emna der
Emneansvarlig
Emneansvarleg og administrativ kontaktperson finn du på Mitt UiB, kontakt eventuelt: studierettleiar@geo.uib.no
Administrativt ansvarlig
Fakultet for naturvitskap og teknologi ved Institutt for geovitskap har det administrative ansvaret for emnet og studieprogrammet