Norsk politikk

Emnet skal gje ei teoretisk og empirisk forståing av det norske politiske systemet. Oppbygginga av det politiske systemet, tilhøyrande institusjonar og samanhengen mellom desse er viktige tema for emnet. Det vert lagt vekt på formelle politiske institusjonar, aktørar og politisk adferd. Emnet vil kaste lys på Stortinget, regjeringa, forvaltninga, Sametinget, kommunar, fylkeskommunar, valgsystem, parti og Noreg sitt forhold til EU. Velgeradferd og handlingar i og av politiske institusjonar, som Storting, regjering, forvaltning og parti, vil vere tema.

Emnet startar med ein gjennomgang av teoriar om stats- og nasjonsbyggjing og går vidare til å sjå på utvikling av forvaltninga i lys av desse. Den empiriske delen av emnet vil vere organisert ut fra den horisontale og vertikale maktdelinga i systemet. Den demokratiske styringskjeda og forholdet mellom politikk og forvaltning er her sentralt. Emnet drøftar korleis politiske og administrative strukturar og prosessar på nasjonalt, regionalt, lokalt og overnasjonalt nivå påverker offentleg politikk.

Studenten skal ved avslutta emne ha følgande læringsutbyte definert i kunnskap, ferdigheiter og generell kompetanse:

Kunnskapar

Studenten kan

• Gjere greie for utviklinga av det norske politiske og administrative systemet.
• Gjenkjenne og gjere greie for dei viktigaste institusjonane i det norske politisk- administrative systemet, som Stortinget, regjeringa, sentralforvaltninga og kommunale styringsorgan.
• Forklare viktige system og normer for forvaltning og styring.
• Gjere greie for korleis politikk vert påvirka gjennom utforming, vedtak og iverksetting - av forvaltninga, av interessegrupper, borgarar og andre krefter og aktørar

Ferdigheiter

Studenten kan

• Drøfte utfordringar og problem i det politisk-administrative systemet
• Gjere analyser av korleis utforming og iverksetting av offentlig politikk vert forma av politisk-administrative rammer

Generell kompetanse

Studenten kan

• Sjølvstendig analysere og vurdere kunnskap frå ulike kjelder.
• Planlegge og gjennomføre arbeidsoppgaver som deltagarar i gruppe, og i tråd med etiske krav og retningsliner.