Rett og politikk

Studentane skal gjennom kurset tileigne seg kunnskap om domstolane og velferdsinstitusjonane, og om skjønnsutøvinga og avgjerdene som går føre seg i og mellom desse to institusjonane. Dette er avgjerande for å forstå korleis makt og ansvar er fordelt i det politiske systemet. Det blir lagt vekt på å få fram:

• Sentrale grunntema i statsvitskapleg tenking om skiljet mellom inngangssida (input) og utføringssida (output) i politiske system, med vekt på kvifor utføringssida er avgjerande for legitimitet og tillit
• Nøkkeltema om avgjerdstakarar i domstolar og velferdsstaten, og tydinga av profesjonsmakt og skjønnsutøving samt brukarmedverknad
• kjernetema om legitimiteten til domstolar og velferdsinstitusjonar og avgjerdene dei fattar, og korleis ein kan unngå maktmisbruk og vilkårlege avgjerder

Læringsutbyte

Etter å ha gjennomført emnet skal studenten kunne:

Kunnskapar

• gjere greie for prinsippa som domstolar og velferdsinstitusjonar kviler på og korleis dei er organiserte
• gjere greie for sentrale omgrep i litteraturen om profesjonars avgjerder og utøvinga av skjønn samt brukarmedverknad
• gjere greie for kjerneomgrep om legitimitet og tillit

Ferdigheiter

• bruke fagomgrep og teoriar frå kurset, til å analysere og reflektere over rolla til retten, domstolane og velferdsinstitusjonane og korleis dei formar samfunnet og måten politikk spelar seg ut på.

Generell kompetanse

Studenten kan

• kritisk relatere omgrep og perspektiv frå emne til dagsaktuelle situasjonar, og delta i debattar med andre om forståing, konsekvensar og løysingar
• kunne skrive faglege tekstar om spesifikke og gitte tema frå kurset
• delta aktivt med innspel i seminargruppene
• kunne presentere tema frå emne munnleg både i seminargrupper og i plenum.