Fordjupingsoppgåve i historie

Målet er å gjere studenten i stand til å skrive ei historisk framstilling, på grunnlag av både forskingslitteratur og kjelder. Instituttet tilbyr normalt undervisning i eitt eller fleire tema, avhengig av ressursar, og studentane vel eitt tema. Temaa kan skifta, avhengig av undervisningskreftene som er tilgjengelege, og aktuell forsking.

Gjennom skriving av ei oppgåve innanfor eit avgrensa tema, lærer studenten å bruke historisk kjeldekritikk til å løyse historiske problem.

Instituttet gir informasjon om kva tema som blir tilbydd, før kvart undervisningssemester.

Trykk her for informasjon om tema som er gjeldande dette semesteret

Kunnskapar

• Studenten skal ha tileigna seg realkunnskap om temaet som er valt for emnet. Studenten skal kjenne til relevante kjelder til temaet og skal vise ferdigheiter i å bruke kjelder metodisk og kritisk.

Ferdigheiter

• Med utgangspunkt i valde problemstillingar skal studenten demonstrere ferdigheiter i å analysere kjelder og forskingslitteratur, trekke eigne konklusjonar og formidle dette i eit skriftleg arbeid. Desse ferdigheitene er særskild viktige i læraryrket.

Generell kompetanse

• Kjeldekritikk er noko som vert nytta overalt i samfunnet der verdien av informasjon og representativiteten i ei informasjonsmengde skal vurderast. Ei systematisk trening i dette vil såleis kunne ha stor verdi også utanfor historiefaget.