Webplattformarkitektur og multiprogrammering

Mål

Emnet gjev ei praktisk og teoretisk innføring i oppbygginga av moderne nettlesarar og dei sentrale prinsippa for asynkron utføring og samtidighet i web-plattforma. Studentane lærer korleis webstandardar, hendingar, og nettlesarens interne komponentar samverkar for å levere interaktive, responsive og sikre

brukaropplevingar. Målet er å gje djup forståing av webens utføringsmodell, slik at studentane kan utvikle robuste, ytande og standardkompatible system.

Innhald

Emnet dekkjer sentrale aspekt ved nettlesararkitektur:

• nettlesarens hovudkomponentar: renderingsmotor, skriptmotor, event loop
• asynkron programmering: prinsipp, oppgåvekøar, tidsstyring og ressursforvaltning
• multiprogrammering i web-plattforma: webarbeidarar, delte ressursar, minnemodellar
• WebAssembly og låg-nivå utføring for applikasjonar med høg yting
• korutinar og kontrollflyt i interaktive applikasjonar
• handtering av brukarinteraksjonar
• webstandardar og interoperabilitet: rolla til spesifikasjonar, samt testsett og standardiseringsarbeid

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse

Kunnskapar

Studenten er i stand til å gjere greie for

• hovudkomponentane i ein nettlesar og korleis dei samarbeider
• event loop-modellen og købaserte asynkrone utføringsmodellar
• utføringsmodellar for asynkrone konstruksjonar i web-plattforma, med forståing av korleis desse kan formaliserast og spesifiserast
• korleis multiprogrammering blir handtert i web-plattforma
• prinsipp for korutinar og deira bruk
• kva WebAssembly er og korleis det vert integrert med web-miljøet
• samanhengen mellom webstandardar, spesifikasjonar og faktisk implementasjon i nettlesarar

Ferdigheiter

Studenten er i stand til å

• implementere ein enkel nettlesarprototyp og/eller implementere enkle funksjonar i eksisterande nettlesarar og webmotorar
• utvikle asynkrone system med oppgåvestyring, tidsplanlegging og ikkje-blokkerande I/O
• nytte multiprogrammeringsteknikkar i web-kontekst for å oppnå samtidig utføring
• nytte korutinar og integrere desse i web-applikasjonar

Generell kompetanse

Studenten er i stand til å

• reflektere rundt asynkrone og samtidigheitsmekanismar for gitte problem
• forstå og følgje utviklinga av webstandardar og relevante teknologiar
• kommunisere tekniske løysingar som involverer både brukaroppleving og systemyting