Makroøkonomi

Målet med kurset er å gi studentene ein introduksjon til makroøkonomisk analyse og modellverktøy.

I kurset gjennomgår vi sentrale målestorleikar, t.d. nasjonalreknskap, rentenivå, investeringar, inflasjon og vekst, og korleis disse kan påverkast med hjelp av offentleg politikk. Ein går mellom anna vidare inn på globaliserte kapitalmarknader, optimale valutaområder og internasjonale pengesystem.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten...

• kan gjere greie for dei viktigaste samanhengane i nasjonalrekneskapen, korleis ein stiller opp eit utanriksrekneskap, og korleis ein kan utvide nasjonalrekneskapsapparatet til opne økonomiar.
• kan forklare korleis makroøkonomiske nøkkelstorleikar slik som rente, valuta, og aktivitetsnivå heng saman med kvarandre, og korleis desse kan påverkast med hjelp av offentleg politikk.
• gjere greie for forholdet mellom nominell og reell valutakurs og relative prisar på ulike land sine eksportvarer
• gjere greie for teorien om kjøpekraftsparitet
• beskrive og forklare korleis teknologisk utvikling bidrar til produktivitetsauke og økonomisk vekst

Ferdigheiter

Studenten...

• kan nytte modellane til å drøfta aktuelle makroøkonomiske hendingar i Noreg og verda, samt økonomisk politikk
• drøfte omgrepet nominell og realvalutakurs
• drøfte forholdet mellom realvalutakurs og internasjonale forskjellar i realrenter
• gje eit historisk oversyn over internasjonale pengesystem
• drøfte teorien for optimale valutaområde og drøfte utfordringar i eurosamarbeidet i lys av denne teorien

Generell kompetanse

Studenten...

• kan følgje uformelle økonomiske resonnement knytta til faget, for eksempel innhaldet i faglige utgreiingar eller politiske diskusjonar.
• har trening i å framstille resonnement ved hjelp av modellar, eksempel og figurar.
• har trening i innhenting og tolkning av makroøkonomiske data