Materialkjemi og energimateriale

Emnet har som mål å introdusere studenten til faststoffkjemi og bruken av faststoff i energirelevante område. Emnet tek opp tema som syntese, identifisering og karakterisering, eigenskapar, funksjonalisering og bruk av faststoff, deriblant mikro- og mesoporøs materiale, og nanomateriale. Det vert gitt ein oversikt over eigenskapar til bulkmateriale. Kunnskapen om desse bidreg til å utvikle ei forståing av dei spesielle eigenskapar av liknande nanomaterial. Relevansen av funksjonelle material for avansert materialvitskap, katalyse og adsorpsjons-/separasjonsprosessar vert presentert, blant dei hydrogenframstilling, solceller, batteri og brenselscellar, karbonfangst og andre berekraftige separasjonsprosessar.

Emnet inkluderer praktiske øvingar som introduserer studenten for framstilling og karakterisering av ulike typar material.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• har brei kunnskap om framstilling, struktur, kjemiske og fysikalske eigenskapar samt bruk av sambindingar hos faste stoff og material, deriblant porøse material.
• har kunnskap om korleis utvalde material og nanomaterial vert framstilt i praksis og korleis desse vert karakterisert.

Ferdigheiter

Studenten

• kan samanlikne og skildre typar og kjemiske og fysiske eigenskaper av faste stoff og (nano)material.
• Kan forklare framstillinga av sambindingar ved faste stoff og nanomaterial.
• Kan sette inn i samanheng strukturen av sambindingar og deira eigenskapar.
• Kan diskutere nytte og bruk av bulk- og nanomaterial.
• Kan identifisere og skildre metodar som vert nytta til å karakterisere ulike material.
• Kan utføre enkle eksperimentelle prosedyrar i laboratorium.
• Kan tolke observeringar og resultat frå målingar innhenta frå desse eksperimenta.

Generell kompetanse

Studenten

• Kan formidle sentralt innhald i faget både skriftleg og munnleg og ved hjelp av typiske uttrykksformer i faget (t.d. kjemiske reaksjonslikningar og strukturteikningar).
• Kan samarbeide i grupper
• kan gjennomføre praktisk arbeid i laboratorium.
• Kan tolke tryggleiksdatablad og informasjon om faren hos kjemikal og handtere desse i samsvar med reglane.
• Kan føre ein labjournal.
• Kan identifisere og assimilere relevant kunnskap fra undervisningsmaterialet gjennom førelesningar, gruppearbeid og på eigen hand.

Haust

Emne har eit avgrensa tall på plassar og inngår i undervisningsopptaket.