Bachelorprosjekt i kjemi

Målet med emnet er å gje studenten erfaring med vitskapleg arbeid i form av planlegging, gjennomføring og munnleg og skriftleg presentasjon av resultat frå eit vitskapleg prosjekt. Dette inneber mellom anna at studenten skal kunne nytte dei ressursane som er naudsynte for å gjennomføre eit vitskapleg prosjekt, og kunne uttrykkje seg presist og vitskapleg, både skriftleg og munnleg.

Innhald

Studentane gjennomfører eit prosjekt under rettleiing frå ein vitskapleg tilsett ved Kjemisk institutt. Prosjektet inngår i instituttet sine forskingsaktivitetar eller blir utført i samarbeid med ei bedrift eller ein offentleg etat. Arbeidet kan gjennomførast sjølvstendig eller i samarbeid med andre studentar, oftast i små grupper på 2-3. Gjennom seminar og førelesingar utviklar studentane faglege og generelle ferdigheiter som er nødvendige for å planleggje, gjennomføre og rapportere resultata av eit forskingsprosjekt. Dette inkluderer bruk av bibliotektenester, skriving av vitskaplege tekstar, bruk av vitskapleg litteratur, samt fordelar og ulemper ved bruk av KI m.m. Studentane deltek på eit postersymposium der prosjektarbeida blir presenterte. Eigne felles samlingar og arbeidsverkstader for postersesjonen inngår òg i emnet. Emnet inneheld i tillegg eit obligatorisk HMS-kurs med fokus på laboratoriesikkerheit (HMS-II, arrangør: Kjemisk institutt).

Studenten skal ved avslutta emne ha følgjande læringsutbytte definert i kunnskapar, ferdigheiter og

generell kompetanse:

Kunnskaper

Studenten

• har praktisk erfaring med kjemisk forsking som prosess og arbeidsmetode
• kan plassere eigne data og funn i ein fagleg kontekst
• kjenner til struktur og oppbygging av ein vitskapleg artikkel
• kan presentere vitskaplege resultat skriftleg og munnleg
• kjenner til reglar for tryggleik i laboratoriet

Ferdigheiter

Studenten

• kan planlegge, gjennomføre, og rapportere resultat frå ei definert forskingsoppgåve i samsvar med kjemifaget sine standardar
• ølgjer relevante reglar for tryggleik i laboratoriet
• kan finne, samanfatte og nytte litteratur og anna fagkunnskap som er relevant for eit definert prosjekt
• kan forklare og grunngje korleis resultata i prosjektet kan tolkast og vurderast
• kan gje tilbakemelding på medstudentar sitt arbeid

Generell kompetanse

Studenten

• kan strukturere arbeidet i eit prosjekt og ta naudsynte steg for å sikre framdrift
• kan nytte vitskaplege metodar til å undersøkje ei problemstilling.
• kan ta naudsynte steg for å sikre framdrift av eit prosjekt.
• kan samarbeide med andre i eit forskningsfelleskap
• kan rapportere eige arbeid og resultat etter ein standardisert mal