Kjønnsforskinga sine tenkemåtar

KVIK 100 gir ei brei og grunnleggande innføring i sentrale omgrep og analytiske perspektiv i studiet av kjønn. Studentane får øving i å tenke kritisk om kjønn gjennom arbeid med historiske og notidige tekstar, med kjønnsrepresentasjonar i sosiale, kulturelle, politiske og vitskapelege samband. Emnet introduserer studentane til vidare tverrfagleg arbeid med kjønn og kjønna representasjonar innan ei rekke fagdisiplinar. Emnet legg vekt på å øve studentane opp i sjølvstendig vitskapleg tenking og analyse.

KVIK100 er eit obligatorisk emne i bachelorprogrammet i kjønnsstudium.

Ein student som har fullført emnet skal ha følgande læringsutbyte definert i kunnskapar, ferdigheiter og generell kompetanse:

Kunnskapar

Studenten

• kjenner til grunnleggande omgrep og analytiske perspektiv i studiet av kjønn

Ferdigheiter

Studenten

• kan reflektere sjølvstendig over kjønna representasjonar i notidige og historiske tekstar, og i sosiale, kulturelle, politiske og vitskaplege samband
• kan drøfte relevansen av kjønnsperspektiv på andre fagområde og i aktuelle problemstillingar, og reflektere kritisk over ulike former for kjønnsstudium

Generell kompetanse

Studenten

• kan gjere greie for og analysere komplekse tekstar

• kan reflektere sjølvstendig omkring teoretiske og empiriske problemstillingar og drøfte dei skriftleg og munnleg