Vitenskapsteori med etikk

Emnet tar opp sentrale tema innan vitskapsteori og etiske spørsmål med direkte relevans for vitskapleg praksis. Døme på slike tema er: samfunnsmessig organisering av vitskap; akademisk reielegheit; vitskapen si rolle og etiske ansvar i samfunnet; dilemma knytte til oppdragsforsking; moralske dilemma skapte av moderne vitskap; korleis vitskap kan handtere kompleksitet og uvisse; samt konsekvensane av ei utdanning som kan forme vitskapleg tenking som etikkfri og amoralsk. Emnet gir studentane ein arena og eit høve til å reflektere kritisk over eiga forsking.

Emnet består av ein kjernedel med sju førelesingar og sju diskusjonsseminar, samt ein del med ni valfrie modular som tek for seg spesifikke tema eller problemstillingar innan vitskapsteori og etikk. Kvar deltakar skal velje tre av dei valfrie modulane. Studentane skriv eit essay om eit epistemologisk eller etisk problem som er relevant for eige fag- eller forskingsfelt.

Studenten skal ved avslutta emne ha følgjande læringsutbytte:

Studenten kan

• reflektere kritisk over det epistemiske grunnlaget til vitskapane, og over dei implikasjonane dette har for eiga forsking
• forstå kva vitskap kan, og ikkje kan, levere, og å forstå korleis og kvifor dette er slik
• gjere greie for sentrale debattar innan vitskapsteori, samt perspektiv på forholdet mellom vitskap/ekspertise og samfunn
• setje debattane om grunnlagsproblem i naturvitskapane i samanheng med tilsvarande debattar innan humaniora og samfunnsvitskap
• identifisere etiske spørsmål av generell relevans for eige forskingsfelt
• forklare og prioritere etiske spørsmål med særleg relevans for eigne prosjekt
• gje ei oversikt over epistemologiske, etiske og samfunnsmessige aspekt ved eit forskingsprosjekt innan eige felt