Prosjektarbeid II

Mål:

Emnet har som mål å støtte opp om det utøvande/skapande arbeidet gjennom å arbeide sjølvstendig med eit sjølvvald prosjekt. Emnet skal bidra til å auke medvitet om og kunne utforske og reflektere over problemstillingar og spørsmål knytt til eige virke som utøvar/komponist.

Innhald:

Avhengig av samansetjinga av den aktuelle studentgruppa, vil emnet ta opp spørsmål innan felt som til dømes utøvande/skapande prosessar, interpretasjon, samspel, oppføringspraksis, stilforståing, verkforståing/analyse, improvisasjonsmetoder, estetikk, instrumentalteknikk, fysiske, mentale og sceniske strategiar for musikarar, muntlige tradisjonar, samarbeid komponist/utøver, studie av tradisjonar og historiske opptak, eksperimentell utforsking, «cross-over»-prosjekt, entreprenørskap (eventuelt i samarbeid med andre institusjonar/organisasjonar) og psykologiske eller samfunns-relaterte spørsmål knyttet til musikalsk utøving og komposisjon.

Det vil bli lagt vekt på å øve opp ferdigheit i kritisk refleksjon, og i å uttrykke seg skriftleg og/eller munnleg om relevante problemstillingar.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

- Kan identifisere og kjenne igjen musikar-relaterte problemstillingar og kunstnariske haldningar/diskursar innan utøving eller komposisjon

Ferdigheiter

Studenten

- skal evne å søkje og kritisk handsame relevant kjeldemateriale (litteratur, partitur, innspelingar m.m.) i det utøvande eller skapande arbeidet

- kan gjennomføre eit meir profilert og sjølvstendig prosjektarbeid

Generell kompetanse

Studenten

- skal ha bevisstheit medvit om og kunne argumentera for eigne kunstnariske og musikar-relaterte val

- kan uttrykkje og formidle relevante musikalske og musikar-relaterte problemstillingar/spørsmålsstillingar knytt til utøving eller komposisjon