Masterprosjekt

Mål:

Emnet har som mål å støtte opp om det utøvande/skapande arbeidet gjennom å arbeide sjølvstendig med eit sjølvvald prosjekt. Emnet skal bidra til å auke medvitet om og kunne utforske og reflektere over problemstillingar og spørsmål knytt til eige virke som utøvar/komponist

Innhald:

Prosjektet skal ha samanheng med eiga utøving/skaping, og ha ei tydeleg avgrensing og tydeleg definert problemstilling/tematikk, som til dømes kan dreia seg om utøvande/skapande prosessar, interpretasjon, samspel, innspelingsprosess, oppføringspraksis, stilforståing, verkforståing/analyse, improvisasjonsmetodar, estetikk, instrumentalteknikk, fysiske, mentale og sceniske strategiar for musikarar, samarbeid komponist/utøver, studie av tradisjonar og historiske opptak, eksperimentell utforsking, «cross-over»-prosjekt, entreprenørskap (eventuelt i samarbeid med andre institutsjonar/organisasjonar) og psykologiske eller samfunns-relaterte spørsmål knyttet til musikalsk utøving og komposisjon.

Det vil bli lagt vekt på å øve opp ferdigheit i kritisk refleksjon, og i å uttrykke seg skriftleg og/eller munnleg om relevante problemstillingar

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar:

Studenten

- evner å søkje og kritisk behandle relevant kjeldemateriale (tekstar, partitur, innspelingar m.m.) i arbeid med eiga utøving/komponering

- kan bevisstgjere seg og argumentere for eigne kunstnariske vurderingar og musikar-relatert tematikk i arbeidet med eiga utøving/komponering

Ferdigheiter:

Studenten

- kan uttrykkje, diskutere og formidle relevante musikalske og musikar-relaterte spørsmål innan si eiga musikalske praksis

Generell kompetanse:

Studenten

- evner å setje seg inn i og avgrense eit temaområde med relevans for eiga utøving/komponering og eige virke som musikar.