Prosjektarbeid I, innføring i arbeidsmetoder

Emnet har som mål å støtte opp om det utøvande/skapande arbeidet gjennom å arbeide sjølvstendig med eit sjølvvald prosjekt. Emnet skal bidra til å auke medvitet om og kunne utforske og reflektere over problemstillingar og spørsmål knytt til eige virke som utøvar/komponist.

Innhald:

Avhengig av samansetjinga av den aktuelle studentgruppa, vil emnet ta opp spørsmål innan felt som til dømes utøvnade/skapande prosessar, interpretasjon, samspel, oppføringspraksis, stilforståing, verkforståing/analyse, improvisasjonsmetoder, estetikk, instrumentalteknikk, fysiske, mentale og sceniske strategiar for musikarar, samarbeid komponist/utøver, studie av tradisjonar og historiske opptak, eksperimentell utforsking, «cross-over»-prosjekt, entreprenørskap (eventuelt i samarbeid med andre institutsjonar/organisasjonar) og psykologiske eller samfunns-relaterte spørsmål knyttet til musikalsk utøving og komposisjon.

Emnet vil gje studenten ei innføring i val av tematikk, metodisk tilnærming, kjeldebruk og dokumentasjon.

Det vil bli lagt vekt på å kunne øve opp ferdigheit i kritisk refleksjon, og i å uttrykke seg skriftlig og/eller munnleg om relevante problemstillingar.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten..

- Kjenner til ulike musikar-relaterte problemstilligar og kunstnariske posisjonar/diskursar innan utøving eller komposisjon

Ferdigheiter

Studenten..

- Har noko røynsle med å relevant kjeldemateriale (litteratur, partitur, innspelingar m.m.) i det utøvande eller skapande prosjektarbeidet

- Kan drøfte kunstnarlege og musikar-relaterte val

Generell kompetanse

Studenten..

- har medvit om og kan drøfte eigne kunstnariske og musikar-relaterte val

- kan uttrykkje og formidle relevante musikalske og musikar-relaterte problemstillingar/spørsmålsstillingar knytt til utøving eller komposisjon