Arbeidsretta norskopplæring

Emnet handlar om korleis ein best kan legge til rette for at arbeidslivsrelevant andrespråkslæring skjer både i klasserommet og på arbeidsplassen. Eit sentralt tema er kva sosiale faktorar som kan påverke mogelegheitene for læring og praktisering av språket på arbeidsplassen. Emnet gir også ei innføring i teori om språkbruk og kommunikasjon.

Emnet skal gi studentane grunnleggande forskingsbasert kunnskap om språkleg praksis, andrespråkslæring og -undervisning relevant for arbeidsplassen, med mål om at dei med denne kunnskapen kan bidra til at vaksne andrespråksinnlærarar får auka mogelegheiter til å delta aktivt i arbeids -og samfunnsliv.

Studenten skal ved avslutta emne ha følgjande læringsutbyte:

Kunnskap

Studenten

• Har kunnskap om språkleg praksis på arbeidsplassen
• Har kunnskap om sosiale faktorar som kan påverke mogelegheiter for kommunikasjon og språklæring på arbeidsplassen
• Har innsikt i kva utfordringar vaksne andrespråksinnlærarar står overfor i møte med eit nytt språk i ein ny arbeidskultur
• Har innsikt i forskings- og utviklingsarbeid knytt til arbeidsretta språkopplæring
• Har kjennskap til lovverk, retningslinjer og språkpolitiske føringar for opplæringa av vaksne andrespråksinnlærarar i Noreg

Ferdigheiter

Studenten

• Kan identifisere kva som kjenneteiknar språkleg praksis på arbeidsplassen
• Kan identifisere språklege behov på arbeidsplassen
• Kan kritisk vurdere og utforme arbeidsretta språkundervisning og undervisningsmateriale
• Kan beskrive og drøfte andrespråksinnlærarar sine mogelegheiter for språkbruk og språklæring på arbeidsplassen
• Kan delta i kunnskapsbaserte diskusjonar om språkets rolle for arbeidsliv og integrering

Generell kompetanse

Studenten

• Har ein teoretisk og praktisk kunnskapsbasis om arbeidsretta norskopplæring