Læring i realfaga

Mål:

Emnet har som mål å gje innsikt i korleis ein fremmar og kombinerer elevane si strukturelle og instrumentelle læring og forståing. Emnet har fokus på tilpassa opplæring gjennom å skape engasjement og deltaking gjennom elevaktive arbeidsmåtar.

Innhald:

Emnet tar opp fire hovudtema.

1 Læring gjennom matematisk modellering og praktisk utforsking. Strukturell forståing av matematiske objekt og utføring av matematiske operasjonar. Bruk av forsøk og oppgåvetypar i naturfaga som er relevante for utvikling, diskusjon og testing av elevgenererte forklaringsidear og læring av fagleg teori.

2 Læring gjennom dialog i realfaga. Bruk av læringsdialogar med ulike føremål, spørsmålstypar, organiseringar, oppfølging av elevinnspill i dialogar og opplæring i utforskande dialog.

3 Presentasjon av fagstoff. Utfordringar og moglegheiter ved monologisk og dialogisk presentasjon av fagstoff. Forankring i elevar si tenking, bruk av ana-logiar og forenklingar og vitskaplege modellar, aktivering av elever gjennom oppgåver og dialog.

4 Språkets rolle i læringa. Innsikt i metodar som fremmar elevane si utvikling av fagspråk og forståing gjennom tilrettelegging for kognitiv bearbeiding og utprøvande språkbruk.

Studenten skal ved avslutta emne ha følgjande læringsutbytte:

Kunnskap

Studenten

• kan gje døme på sentrale funn frå kjente undersøkingar av læring og undervisning i matematikk og naturfaga
• kan greie ut om rolla språk og teikn spelar i elevar sine læringsprosessar basert på omgrep sentrale i læringsteoriar.
• kan gjere reie for korleis matematisk modellering, praktisk arbeid og ulike typar fagleg dialog kan fremma læring
• kan greie ut om metodar for formidling av fagstoff, bruk av modeller og aktivering av elever.

Ferdigheiter

Studenten

• kan identifisere grunnidear i faglege emne og planlegge korte utforskande økter og modelleringsaktivitetar som fremmer kognitiv og språkleg aktivitet hos elevane
• kan undersøkje korleis ulike arbeidsmåtar og dialogtypar verkar inn på elevar si deltaking og utvikling av grunnleggjande dugleikar
• kan drøfte munnleg og skriftleg omgrepet djupnelæring og konkrete læringsaktivitetar i lys av omgrep frå sentrale læringsteoriar

Generell kompetanse

Studenten

• kan gjere relevant bruk av vitskapelege forskingsresultat i munnleg og skriftleg kommunikasjon.
• kan formulere vitskaplege argument munnleg og skriftleg
• kan gjennomføre korrekt kjeldebruk og referanse-handsaming i skriftleg tekst