Klimaendringer - årsaker og konsekvenser

Mål

Emnet tek sikte på å gje ei innføring i klimakunnskap. Det gjer grunnlag for å forstå dei underliggjande fysiske prosessane og tilbakekoblingsmekanismar som styrer klimavariasjonar på ulike tidsskala. Korleis ulike menneskeskapte utslepp påverkar klima og kva som er hovudfaktorane som driv endringane i utslepp. I tillegg vert nokre fysiske og økonomiske klimaeffektar og rammeverket for klimarisikovurdering presentert saman med ein oversikt over internasjonale rammeverk for klimatiltak, tilpassing og utsleppsreduksjonar. Emnet vil gi studentane eit utgangspunkt for å betre forstå betydinga av FNs bærekraftmål og setja desse i samanheng med den pågåande endringa i klima.

Innhald

Emnet forklarer korleis variasjonar i ulike eksterne pådrag som solinnstråling, vulkansk aktivitet, endringar i drivhusgassar og forureiningspartiklar kan bidra til endringar i klimasystemet. Emnet vil gjennomgå korleis ulike interne tilbakekoplingsmekanismar styrker eller svekkjer graden av klimaendringane og vil gjere deltakarane i stand til å samanlikne dei siste hundre års observerte klimaendringar med tidlegare tiders naturlege variasjonar i klima.

Emnet vil gjennomgå nokre fysiske og økonomiske risiko og konsekvensar forbundet med endringar i klima. Begrepet risiko og risikoanalyse gjennom farer, eksponering og sårbarhet vert gjennomgått. Emnet svarer til FNs bærekraftsmål (spesielt SDG-13) ved å styrke vår kunnskap om klima og klimarelaterte farar.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskap

Studenten

• skal forklare dei grunnleggjande fysiske mekanismane som styrer klima og klimavariasjonar
• skal gje ei oversikt over ulike menneskeskapte utsleppskjelder
• skal forstå dei grunnleggjande drivarane av globale klimautslepp.
• skal forstå begrepet risiko gjennom hendelse, eksponering og sårbarhet
• skal forstå moglege fysiske og økonomiske konsekvensar av klimaendringar for samfunnet
• skal forklare dei viktigaste internasjonale rammeverka for klimaendringsvurdering, -tilpassing og -demping
• skal sette FNs samfunnsutviklingsmål 13 i perspektiv med andre SDG-mål

Ferdigheiter

Studenten

• skal kunne nytte grunnleggjande terminologi og uttrykk for klima og klimaendringar
• skal kunne utføre berekningar av jorda sin følsemd for eksterne klimapådriv som sol, vulkanar og endringar i klimagassar
• skal kunne vurdere de fysiske og økonomiske konsekvensane av klimaendringar og vurdere deira innverknad på samfunnet gjennom eit risikorammeverk
• skal kunne sette FNs samfunnsutviklingsmål 13 i perspektiv med andre SDG-mål
• skal kunne styrke sine ferdigheiter i munnleg presentasjon, vitskapleg skriving, og diskusjon
• skal kunne demonstrere ferdigheiter i å presentere venskapleg kunnskap til medstudentar og andre
• skal kunne reflektere over tilkoblingen og interaksjonen mellom FNs bærekraftsmål

Generell kompetanse

Studenten

• skal kunne nytte kritisk tenking og fysiske forståing
• skal kunne demonstrere interdisiplinær forståing om koplingar mellom menneskeleg påverknad av naturen og jorda igjennom diskusjon
• skal kunne samanfatte koplinga mellom klima, miljø, økonomi, demografi og sosiale relasjonar igjennom å studere effekten av menneskeskapte utslepp av klimagassar

Haust

Emnet har eit avgrensa tal på plassar og inngår i undervisningsopptaket.

Fristen for å melde seg til undervisning i emnet er onsdag i veke 33. Du får svar på om du har fått plass på emnet på Studentweb seinast tysdag i veke 34.

Tidspunkt for første førelesing finn du i timeplanen på nettsida til emnet eller på Mitt UiB. Det er obligatorisk oppmøte på første førelesing. Dersom du ikkje kan møte på første førelesing må du ta kontakt med studieseksjonen: studieveileder@gfi.uib.no

Det er obligatorisk oppmøte på første førelesing.