Systemtenking og modellering for berekraft

Systemtenking er ein tilnærming som ser på problem som delar av eit større, samanvevd system - heller enn som isolerte enkeltdelar. Det hjelper oss å forstå korleis ulike delar av samfunnet, miljøet og økonomien verkar saman, frå lokale til globale nivå. Denne typen tenking er viktig for å identifisere kvar endring er mogleg, for å føreseie framtidige utviklingar, og for å støtte langsiktige omstillingar. Det handlar om å kjenne att viktige komponentar og mønster i eit system, og å bruke ulike verktøy - både kvalitative og kvantitative - for å utforske korleis desse delane verkar saman over tid.

Systemtenking er grunnlaget for modellering med systemdynamikk, som hjelper oss å forstå og handtere komplekse berekraftsutfordringar. Ved å forenkle og abstrahere situasjonar frå verkelegheita, gjer systemtenking og systemdynamikkmodellering det mogleg å sjå korleis ulike delar av eit system påverkar kvarandre, og korleis vala våre kan påverke systemet over tid. Dette emnet introduserer grunnleggjande teori, verktøy og teknikkar innan systemtenking og systemdynamikkmodellering, og nyttar case frå verkelegheita for å utforske store berekraftsutfordringar. Studentane vil lære å bruke desse tilnærmingane for å forstå komplekse system betre, og for å finne meiningsfulle måtar å møte utfordringane på.

Studenten skal ved avslutta emne ha følgjande læringsutbytte:

Kunnskap

Studenten

• kan bruke og gjere kritisk reie for systemtenkingsverktøy
• kan utføre systemdynamiske modelleringsprosessar frå definering av problem til policy-analyse

Ferdigheiter

Studenten

• kan kritisk vurdere ulike tilnærmingar til systemtenking og modellering
• kan bruke forskjellege scenario rammeverk for å skildre både eksisterande og moglege framtidige systemkonfigurasjonar og utfall
• kan nytte multi-kriterie analyse på utfordringar knytte til berekraftig utvikling

Generell kompetanse

Emnet har eit sterkt fokus på å utvikle kommunikasjon- og samarbeidsevner, og særleg følgjande generelle kompetanse:

• tenkje og reflektere kritisk
• løyse (autentiske) problem i tverrfaglege grupper
• presentere eige arbeid, både individuelt og i grupper
• kommentere på andre sitt arbeid, samt respondere på kommentarar på eige arbeid