Stemmer i latinamerikansk historie

Mål: Emnet skal gje kunnskapar om og innsyn i ulike teoriar og metodar nytta i forsking innan historiefaget og relatere desse til ein latinamerikansk kontekst.

Innhald: Det vil bli diskutert kva historie er i eit latinamerikansk perspektiv og korleis denne har vorte tolka frå ulike teoretiske ståstader i ulike historiske periodar. Studentane blir i tillegg introduserte for ei rekkje metodar nytta i forsking på latinamerikansk historie og ulike typar kjeldemateriale, og ein vil vise korleis desse kan brukast for å kaste lys over ulike problemstillingar i eit forskingsarbeid som omhandlar latinamerikansk historie og kultur.

Etter fullført emne har studenten følgjande læringsutbyte definert i kunnskapar, kompetanse og generell kompetanse:

Kunnskapar

Studenten

• har kjennskap til korleis synet på latinamerikansk historie har endra seg over tid.
• har innsikt i ulike metodar og ulike typar kjeldemateriale nytta i forskingsarbeid som omhandlar latinamerikansk historie og kultur, og korleis eit slikt arbeid kan byggjast opp.
• har innsikt i korleis historiefaget har vorte forstått og praktisert i ein latinamerikansk kontekst.

Kompetanse

Studenten

• har evne til å reflektere over teoretiske innfallsvinklar, og vurdere tilhøvet mellom spørsmål og val av metode i eit forskingsarbeid som omhandlar latinamerikansk historie og kultur.

Generell kompetanse

Studenten

• kan bruke kompetansen sin på nye område for å gjennomføre spesialiserte oppgåver og prosjekt.