Tyskspråklege kulturuttrykk i samtida

Emnet har som mål å gi ei innføring i tyskspråklege kulturuttrykk i samtida og deira kopling til aktuelle tema og diskusjonar.

Emnet tek utgangspunkt i t.d. litterære tekstar (romanar, graphic novels, noveller, skodespel, dikt), sakprosa (filosofiske, aktivistiske, politiske, akademiske tekstar), film, musikk, idrett, podkast og kunst.

Emnet inneheld òg eit kurs i bruk av Bibliotek for humaniora og ressursane der.

Studenten skal ved avslutta emne ha følgjande læringsutbytte:

Kunnskap:

Studenten

• har grunnleggjande kunnskap om tyskspråklege kulturuttrykk i samtida

• har grunnleggande kunnskap om eit utval grunnleggande litteratur- og kulturvitskapelege omgrep og tilnærmingsmåtar

Ferdigheiter:

Studenten

• kan skrive korte analysar av det aktuelle stoffet på tysk i tråd med akademiske normer

• kan diskutere tyskspråklege kulturuttrykk på tysk

• kan halde munnlege presentasjonar av det aktuelle fagstoffet på tysk

Generell kompetanse:

Studenten

• har erfaring med å kommunisere på tysk om komplekse tematikkar

• har erfaring med å ta i bruk eigna læringsstrategiar for å arbeide sjølvstendig med eit fagstoff

• har erfaring med å være medprodusent av ny kunnskap i eit læringskollektiv

• har erfaring med analytisk og kritisk tenking samt problemløysing

• har erfaring med kreative arbeidsmåtar

• har erfaring med skriftleg og munnleg formidling

• har utvida digital formidlingskompetanse

• er godt førebudd på å halde fram tyskstudiet på 100- og 200-nivå

Heile emnet blir tilbydd online. 

Delar av undervisninga blir i tillegg tilbydd som seminar på campus ved Universitetet i Bergen. 

I perioden mellom undervisningsslutt og eksamen kan det bli tilbod om eit frivillig studieopphald i Kiel i tre veker.

Dette emnet finst òg som nettemne (TYS631) med eige opptak gjennom UiB videre.