Ukraina: historie, samfunn, litteratur

Lågaregradsemne

Studiepoeng
10
Undervisningssemester
Haust
Emnekode
UKR133
Talet på semester
1
Ressursar
Timeplan

Emnebeskrivelse

Mål og innhold

Emnet gir ei oversikt over Ukrainas historie, samfunn og litteratur frå austslavisk mellomalder til dagens uavhengige Ukraina. Du får ei grunnleggjande forståing av korleis områda som utgjer dagens Ukraina har inngått i ulike statsdanningar, som Kyiv-Rus, Litauen, Polen, Austerrike-Ungarn, det russiske imperiet og Sovjetunionen, og av vilkåra for utviklinga av ukrainsk sjølvstende og ukrainsk kultur. I litteraturdelen tek emnet særskilt for seg den moderne ukrainske litteraturen frå 1800-talet til i dag.

Læringsutbytte

Ved fullført emne har studenten følgjande læringsutbytte, definert i kunnskapar, ferdigheiter og generell kompetanse:

Kunnskapar

Ved fullført emne har studenten

- god kjennskap til Ukrainas historie

- god kunnskap om den politiske og samfunnsmessige utviklinga i det uavhengige Ukraina (1991-)

- ei forståing av de historiske vilkåra for utviklinga av ukrainsk uavhengigheit og ukrainsk kultur

- god oversikt over sentrale periodar, forfattarar og verk innanfor ukrainsk litteratur

- grunnleggjande kunnskapar om det fleirspråklege og fleirkulturelle Ukraina

Ferdigheiter

Ved fullført emne kan studenten

- orientere seg godt i kjelder og faglitteratur om Ukrainas historie, samfunn og litteratur

- analysere tilhøvet mellom litterære tekstar og historiske og samfunnsmessige kontekstar

- bruke grunnleggjande analytiske reiskapar i studiet av ukrainsk politikk og samfunn

- bruke grunnleggjande analytiske reiskapar i omgangen med litterære tekster

- uttrykke kunnskapen sin om Ukraina munnleg og skriftleg

Generell kompetanse

Ved fullført emne kan studenten

- diskutere og evaluere ulike perspektiv i historiske framstillingar

- tenkje og argumentere kritisk og sjølvstendig om emnets innhald

- reflektere rundt litterære tekstars eigenart og tilhøvet mellom litteratur og samfunn

Studiepoeng, omfang

10

Studienivå (studiesyklus)

Bachelor

Undervisningssemester

Haust

Undervisningssted

Bergen
Krav til forkunnskaper
Ingen
Anbefalte forkunnskaper
Ingen
Studiepoengsreduksjon
På grunn av fullt fagleg overlapp blir studiepoengutteljinga for UKR133 redusert med 10 studiepoeng dersom det blir kombinert med UKR633.
Krav til studierett
Emnet er ope for alle med studierett ved UiB.
Arbeids- og undervisningsformer
Undervisninga går normalt over 12 veker med ein dobbeltime førelesning i veka. Emnet legg opp til aktiv bruk av læringsplattforma MittUiB.
Obligatorisk undervisningsaktivitet

Oppmøte til minst 70 % av undervisninga, to godkjente øvingsoppgåver.

Godkjenninga av obligatoriske arbeidskrav er gyldig i undervisningssemesteret og dei to påfølgjande semestera.

Vurderingsformer
Skriftleg skuleeksamen på 4 timar.
Karakterskala
Det blir nytta gradert karakterskala frå A til F, der F er stryk.
Vurderingssemester
Haust. Det er òg vurdering i vårsemesteret for studentar med gyldig godkjenning av obligatoriske arbeidskrav.
Litteraturliste

Litteraturlista består av bøker og artiklar om Ukrainas historie, kultur og samfunn, samt eit utval litterære verk som kan lesast i omsetjing.

Litteraturlista vil vere klar innan 01.07 for haustsemesteret.

Emneevaluering
Emneevalueringar blir gjennomførte i tråd med UiBs kvalitetssikringssystem.
Hjelpemiddel til eksamen
Ingen
Programansvarlig
Programstyret har ansvar for fagleg innhald og oppbygging av studiet og for kvaliteten på studieprogrammet og alle emna der.
Emneansvarlig
Programstyret for russisk
Administrativt ansvarlig
Det humanistiske fakultet ved Institutt for framandspråk har det administrative ansvaret for emnet og studieprogrammet.

Emnebeskrivelse

Kontaktinformasjon

Studierettleiar: studierettleiar@if.uib.no

Eksamensadministrasjon: eksamen@if.uib.no