Sikkerheit og beredskap: Tankestraumar, kriser og det liberale demokratiets framtid

Emnet VIT219 skal formidle forståing for eit aktuelt og samansett samfunnsspørsmål i vår tid, med potensielt store konsekvensar for individ, liv, miljø, internasjonale relasjonar og samfunn.

Formålet med studiet er å gi studentane høve til å:

- Øve opp evna til kritisk refleksjon rundt forholdet mellom ulike kunnskapsformer, verdiar, faglege perspektiv og akademiske kulturar

- Utvikle eit breitt repertoar av intellektuelle ferdigheiter og kompetansar for å engasjere seg i forskingsbasert, tverrfagleg diskusjon om sentrale samfunnsspørsmål (her: sikkerheit og beredskap)

- Bevisstgjere og vidareutvikle si akademiske personlegdom og refleksjon over eige fag i møte med andre faglege perspektiv og eit sentralt samfunnsspørsmål

Innhald

Studiet tek opp ei rekkje samfunnsområde der spørsmålet om sikkerheit og beredskap er relevant.

Emnet inkluderer tema som:

- Tenking om sikkerhet og beredskap i eit kritisk og historisk perspektiv

- Tidsaktuelle problemstillingar der sikkerhet og beredskap teiknar seg

- Kompleksiteten i å gjere konkrete vurderingar som gjeld sikkerhet og beredskap - mellom kva vi kan gjere og kva vi bør gjere

Ved avslutta emne skal studenten ha følgjande læringsutbytte, definert i kunnskap, ferdigheiter og generell kompetanse:

Kunnskap:

- Kan gjere greie for og kritisk diskutere sentrale omgrep, diskusjonar og forskings- og samfunnsspørsmål knytt til ei overordna, fagovergripande tematikk og komplekst samfunnsspørsmål (her: sikkerheit og beredskap)

- Kan gjere greie for og kritisk diskutere eigenarten til ulike fag og forskingsfelt sine perspektiv på ei overordna og fagovergripande tematikk, inkludert føresetnader, avgrensingar og arbeids- og forståingsformer

- Kan gjere greie for og samanlikne føresetnader, avgrensingar og arbeids- og forståingsformer i sitt eige faglege perspektiv med andre fag og forskingsfelt, og kritisk diskutere eige fags bidrag til kunnskap om den overordna tematikken.

Ferdigheiter:

- Kan skriftleg gjere greie for endringar i eiga tenking i forhold til eit temarelevant samfunnsspørsmål, og vise at endringa har funne stad

- Kan utvikle ei sjølvstendig problemstilling skriftleg, gjere greie for eigen arbeidsmåte, stille saman og bearbeide skriftleg materiale, og kritisk diskutere føresetnader og konsekvensar av eiga tenking i møte med eit temarelevant samfunnsspørsmål.

Generell kompetanse:

- Har eit reflektert forhold til kunnskap, og kan problematisere tverrfagleg og disiplinbasert arbeid retta mot komplekse samfunnsspørsmål

- Kan kommunisere på tvers av faglege skiljelinjer og akademiske kulturar, og skrive i eit balansert og godt argumentert akademisk språk som er forståeleg for ei opplyst universitetsoffentlegheit

- Kan endre tenkinga si på bakgrunn av nye perspektiv og kunnskapar

- Kan sjå utsida av eiga tenking, inkludert andre faglege perspektiv og perspektiv som har utgangspunkt utanfor vitskapen (t.d. politiske avgjerder, samfunnsdebatt, livssyn, verdispørsmål m.m.)