Arbeider for lik tilgang til musikkterapitenester

I Vestlandsregionen er det ei lang historie for fylkeskommunalt engasjement for utvikling av musikkterapifeltet. Sogn og Fjordane fylkeskommune var mellom anna ein aktiv pådrivar for etableringa av prøveordninga «Gloppen-prosjektet» i 1983 og for oppstarten av ei musikkterapiutdanning på Sandane i 1988.

Etter fylkesfusjonen i 2020 er dette arbeidet vidareført og vidareutvikla av Vestland fylkeskommune (ekstern lenke). Eit fylkestingsvedtak i juni 2025 legg til rette for auka fylkeskommunalt engasjement på musikkterapifeltet, både som samfunnsutviklar og tenesteutviklar.

Partssamarbeidet er i utvikling og arbeider frå og med hausten 2025 etter Polyfons nye ordning for undergrupper. Ordninga gjer det lettare for kommunane å delta i eit samarbeid om utvikling av solide musikkterapitenester.

Desse instansane er med i Partssamarbeidet per august 2025:

• Vestland fylkeskommune (fullmektig og koordinator for samarbeidet)
• Helse Førde
• Utviklingssenter for sjukeheimar og heimetenester (USHT), Vestland (Sogn og Fjordane)
• Kinn kommune
• Ullensvang kommune
• Vaksdal kommune
• Voss herad

Som koordinator for Partssamarbeidet har Vestland fylkeskommune utvikla tiltak som mellom anna:

• rådgjeving om fagutvikling, søknadar om tilskot og oppretting av musikkterapeutstillingar
• kunnskapsformidling gjennom konferansar og seminar
• kunnskapsdeling og -utvikling, til dømes gjennom nettverk og samarbeidsforum
• politikkutvikling på området

USHT Vestland (Sogn og Fjordane) (ekstern lenke) er ein aktiv medspelar i dette arbeidet. 

Deltakarane i Partssamarbeidet set sjølve tema på dagsordenen, både for nettverksarbeid, konferansar og seminar. Somme aktørar har også vore aktive medspelarar i forskingsprosjekt initierte av deltakarane i kunnskapsklynga Polyfon.

Vestland fylkeskommune si koordinering av Partssamarbeid Vestland er utvikla i samarbeid med:

• USHT Vestland (Sogn og Fjordane)
• Polyfon kunnskapsklynge for musikkterapi

Rammene for samarbeidet er gitt av Polyfons nye ordning for samarbeid i undergrupper.