5-årig lektorutdanning
Ønskjer du ein jobb kor du arbeider med menneske samtidig som du brukar fagkompetansen din? Ønskjer du å kunne gjere ein forskjell for ungdom i skulen? Då er lektorutdanninga vår noko for deg.
Om studiet
Gjennom studiet får du undervisningskompetanse i to undervisningsfag og du tek master i eitt av dei. Du får eit solid faggrunnlag i begge faga og du lærer kritisk refleksjon rundt både fag, undervisning og læring. Ein viktig del av utdanninga er også faga pedagogikk (korleis å lære bort og oppdrar) og fagdidaktikk (djupare refleksjon om faget og korleis du underviser i faget) i tillegg til 100 dagar praksis i skulen.
Praksisperiodane er delt opp i to korte og to lengre periodar kor du gradvis får prøvd og øvd deg som lærar. Du vil få praksis i både ungdomskulen og i og vidaregåande skule.
Fagkombinasjonar du kan velje mellom
Søkjer du lektorprogrammet i historie eller religionsvitskap, framandspråk (engelsk, tysk, fransk eller spansk), nordisk (norsk) eller sosiologi (samfunnsfag), skal du velje du ditt andre undervisningsfag (fag 2) i slutten av første studieår. Du kan velje mellom følgande fag:
- historie
- religionsvitskap
- fransk
- tysk
- spansk
- engelsk
- nordisk (norsk)
- sosiologi (samfunnsfag)
- politikk og forvaltning
Søkjer du lektorprogrammet i realfag, vel du fagkombinasjon ved studiestart. Du kan velje mellom følgande fagkombinasjonar:
- matematikk og fysikk
- kjemi og matematikk
- biologi og matematikk
- biologi og kjemi
- matematikk med naturfag som fag 2